Bota

Vdes bashkëshorti i mbretëreshës së Anglisë, princ Philip! Duka i Edinburgut ndërron jetë në moshën 99-vjeçare

9 Prill 2021, 11:11 Nga DOSJA
Vdes bashkëshorti i mbretëreshës së Anglisë, princ

BRITANI E MADHE- Bashkëshorti i Mbretëreshës Elizabeth II, princi Philip ka ndërruar jetë ditën e sotme në moshën 99-vjeçare. Ai ka ndërruar jetë vetëm disa javë pasi u lirua nga një spital i Londrës, ku edhe u trajtua për zemrën, dy muaj para 100-vjetorit të lindjes. Lajmi u konfirmua nga Pallati Buckingham, por nuk kanë bërë me dije asnjë detaj tjetër lidhur me ngjarjen.

“Me dhimbje të thellë Madhëria e saj Mbretëresha ka njoftuar vdekjen e burrit të saj të dashur, Lartmadhërisë së Tij Mbretërore Princit Philip, Dukës së Edinburgut. Lartësia e Tij Mbretërore ndërroi jetë paqësisht këtë mëngjes në Kalanë e Windsor. Njoftimet e mëtejshme do të bëhen në kohën e duhur,”-thuhet në njoftimin e bërë nga Pallati Mbretëror. 

Shëndeti i Princit Philip ishte përkeqësuar shumë vitet e fundit, aq sa ai njoftoi që do të tërhiqej nga të gjitha aktivitetet mbretërore. Që atëherë, ai u pa rrallë në publik, duke kaluar pjesën më të madhe të kohës në Winsdor. Pavarësisht se jetonte në heshtje larg syve të publikut, ai u bë lajm kur u përfshi në një aksident me makinë në janar 2019. Shërbimi i Prokurorisë së Kurorës vendosi se nuk ishte në interesin e publikut të ndiqte penalisht Dukën pasi ai më vonë dorëzoi vullnetarisht patentën e tij të drejtimit.

Lindur në ishullin e Korfuzit, Princi Philip, i cili dikur e përshkroi veten si “princ i diskredituar i Ballkanit pa ndonjë meritë ose dallim të veçantë”, luajti një rol kryesor në zhvillimin e monarkisë moderne në Britani. Megjithëse kurrë nuk iu dha zyrtarisht titulli i bashkëshortit princ, ai jetoi një jetë me detyrë të pamëshirshme mbretërore, duke hequr dorë nga karriera e tij premtuese në ushtri.

Pasi bëri këtë zgjedhje, ai u kthye në anëtarin më energjik të familjes mbretërore me ditarin e angazhimeve më të ngarkuara. Ndërsa ishte i përjashtuar me kushtetutë nga fushat kryesore të jetës profesionale të Mbretëreshës – ai nuk mbajti asnjë rol kushtetues përveçse si një këshilltar privat. Gjithashtu ai u kujdes për modernizimin e një monarkie nga e cila kishte frikë se mund të përfundonte si një pjesë muzeale. Duka i Edinburgut ishte shumë gjëra, por një gjë që ai nuk ishte ishte i mërzitshëm.

(k.m/dosja.al)

Rama është propozuar për president nga disa deputetë socialiste, mendoni se:

View Results

bota bota vdes princi philip vdes princi philip

Sondazh

Poll

Bota 9 Prill 2021, 11:05

PRISHTINË- Një ide gjeniale i ka ardhur pronarit të një lokali në Kosovë i cili në shenjë proteste për të ndërgjegjësuar autoritetet për të rihapur baret d...

MË SHUMË