Editorial

Përplasja e dhunshme-strategji e Ramës apo produkt logjik i klasës politike?

14 Mars 2021, 12:05 Nga DOSJA

Përplasja e dhunshme-strategji e Ramës apo produkt logjik i

Pedonalja e zbukuruar pa shije për Ditën e Verës, u pushtua nga partitë paraditen e sotme në Elbasan. Megjithëse pa shije, megjithëse elektorale, dukej sikur për një ditë, partitë do i linin qytetarët të festonin të qetë ditën tradicionale që është shndërruar në festë kombëtare.

Nuk mundi të ndodhë kështu. Si në një aksident rrugor, qytetarët nuk po gjenin as mundësinë t’i shpëtonin përplasjes mes mbështetësve partiakë. Ndërsa prijësit garonin për të sfiduar njëri-tjerin me numrin e mbështetësve, sherri dukej i pashmangshëm. Në pedonale nuk kishte më vend për festë, as për qytetarë te paangazhuar, as për paqe sociale.

Fasada e festës u prish nga e vërteta e hidhur e realitetit politik. Këtë mund të prodhonte politika 30- vjeçare e konfliktit, këtë po prodhon prej ditësh një Kryeministër i turbulluar rrezikshmërisht nga ideja e pushtetit pa kufij hapësire dhe kohe. Një Kryeministër që, kur dëgjon thirrjen “Rama ik”, ndërsen shoqëruesit dhe mbështetësit e armatosur, bandën që e mbështet, për tu mbyllur gojën kundërshtarëve. Një Kryeministër që, nuk ka mësuar nga paraardhësit as të vetmen të mirë që ata i bënë vendit, duke garantuar rotacionin e qetë të pushtetit, pas 8 vitesh konsumimi prej keq-qeverisjes.

I përballur me refuzimin, ka nxjerrë gjithë arsenalin e dhunës për të trembur opozitën, mbeshtetësit e saj dhe votuesit kundër, me shpresën se do t’ i largojë kështu nga kutia e votimit.

Në këtë kontekst, përleshja e sotme nuk ishte vetëm e shëmtuar, por edhe e rrezikshme. Opozita mund ta shmangte përgjegjësinë e saj në përplasje, derisa të bëhet e qartë, nëse Rama ka vendosur të qëndrojë më dhunë në pushtet. Nëse ka vendosur kështu, çdo mjet për largimin e tij është legjitim. Deri atëherë, opozita nuk ka pse të behet pjesë e prishjes së gjithçkaje, nuk ka pse të prishë shijen e qytetarëve ndaj politikës, nuk ka pse t’i largojë qytetarët e paangazhuar nga përfshirja në festën e Verës apo edhe në festën e demokracisë në 25 prill.

1 vit nga zgjedhjet e 25 prillit si e shikoni gjendjen e vendit:

View Results

editorial editorial dosja.al edi rama sherr mes pd dhe ps ne elbasan dosja.al edi rama sherr mes pd dhe ps ne elbasan