Ekonomi

“Përfundimisht nuk ngopen!”/ Pano Sako: Kontrata për hidrokarburët, 3 kompani do të fitojnë 100 mln euro për 10 vitet

27 Shkurt 2021, 16:53 Nga DOSJA
“Përfundimisht nuk ngopen!”/ Pano Sako: Kontrata për

TIRANË- Eksperti i ekonomisë, Pano Soko, në një postim që ka bërë në rrjetete sociale shkruan se me anë të VKM-së që është nxjerrë në dhjetor të vitit 2020, është prodhuar një koncesion i ri, ku tre kompani  do të ofrojnë shërbimin e monitorimit të vëllimit të transaksioneve ne sektorin e hidrokarbureve për 10 vitet e ardhshme. 

Ai thotë se me anë të kësaj VKM-je, tre kompani përfitojnë të drejtën e ekskluzive për të fituar rreth 100 milionë Euro për 10 vitet e ardhshme. 

Ndër të tjera ai thotë se me këtë VKM janë shkelur tre ligje duke përfshirë, ligjin për Metrologjinë dhe ligjin për Menaxhimin Financiar.

POSTIMI I PLOTË: 

Nuk ngopen përfundimisht! Janë të paparë.
Kanë nxjerrë një VKM (nr.1185 në 24 Dhjetor të 2020-ës) ku për hir të procesit të fiskalizimit, kanë prodhuar një konçesion të ri, me tre kompani që do të ofrojnë shërbimin e monitorimit të vëllimit të transaksioneve ne sektorin e hidrokarbureve për nja 10 vjet. Dmth historia shkurt, me anë te kësaj VKM-je, do t’iu japin tre kompanive të drejtën ekskluzive për të fituar diku rreth 100 milionë Euro për 10 vjet, me këtë justifikim. Natyrisht kjo vlerëe do t’i ngjishet çmimit të naftës dhe natyrisht do të jemi ne që e paguajmë. Dhe siç e do zakoni në të tilla raste, kompanitë që do të fitojnë konçesionin janë gjetur më parë, mos them janë gjetur para se të lindte konçesioni. Madje tek VKM-ja iua kanë shtruar dhe rrugën gati që mos kenë konkurencë, pasi kanë hequr me urdhër nga gara gjithë kompanitë që kanë pasur kontrata më parë, që dmth kanë hequr nga gara ato që kanë infrastrukturën gati dhe që mund të ofronin një çmim më të ulët, të paktën të na rëndonin pak më pak tek xhepi. Po joo, mearzallah..s’bëhet llaf. Tre kompani të reja fringo aty, që t’iu paguajmë dhe investimin. Kokës aty, se populli i paguan lekët, se Kryeministri e merr naftën pa lekë për vete. S’e di sesi flenë natën këta, po jam i bindur që këta mendojnë se do të vdesin në pushtet, që mos kenë fare frikë. Se vetëm në këtë rast me këtë VKM e kanë shkelur nja 3-4 ligje. Ligji për fiskalizimin nuk lejon dhënien e shërbimeve publike tek privati, këta s’pyesin hiç, e shkelin dhe s’pyesin, e japin shërbimin me VKM, varja ligjit.
Ligji thotë duhen bërë konsultime para miratimit, këtyre s’ua ndjen hiç.
E kështu me rradhë kanë shkelur ligjin për Metrologjinë, ligjin për Menaxhimin Financiar etj.etj.. Po si s’kanë fund ore. Edhe kockën do t’ia bluajnë këtij populli..
E kam thënë dhe herë tjetër, nëse shkoj në parlament, gjysmën e kohës do të ma hajë Komisioni Hetimor për këto konçesionet. Ju premtoj që do të shihni dhe dëgjoni çudira në atë komision..edhe ju edhe SPAK-u..

(a.k.dosja.al)

1 vit nga zgjedhjet e 25 prillit si e shikoni gjendjen e vendit:

View Results

ekonomi ekonomi pano sako pano sako

Sondazh

Poll

Ekonomi 27 Shkurt 2021, 11:24

TIRANË– Në kohë normale, është jashtëzakonisht e vështirë të hysh në Berghain, një klub nate tekno në Berlinin Lindor. Por në shtator, ky vend hapi d...

MË SHUMË