Aktualitet

Qëlluan me armë makinën e ‘shokut’, terrorizuan Lezhën/ Pranga dy të rinjve nga Miloti, për t’i shpëtuar Policisë,

30 Dhjetor 2020, 08:03 Nga DOSJA
Qëlluan me armë makinën e ‘shokut’, terrorizuan

LEZHË– Dy të rinj nga Lezha janë prangosur pasi kanë qëlluar me armë zjarri drejt një makine. Ngjarja ka ndodhur në fshatin Gajush të Lezhës, ku kushërinjtë Redion dhe Sokol Hysa, 19 dhe 28 vjeç, kanë qëlluar me automatik në drejtim të mjetit tip ‘Man’, i cili është në pronësi të Gjok Malajt. 

Në vendin e ngjarjes u gjetën dhe sekuestruan 28 gëzhoja model 56. Pas identifikimit të tyre, Policia u ka shkuar në banesë dy të rinjve ku edhe gjetën e sekuestruan një armë zjarri tip automatik dhe një armë “TT” pa fishekë. Armën automatike, dy të rinjtë e kishin fshehur në një depozitë uji por sërish është pikasur nga Policia.  Nuk dihet se përse ka nisur konflikti mes të rinjëve që ka degraduar në përdorimin e armëve të zjarrit. 

NJOFTIMI I PLOTË:

Lezhë

Qëlluan me armë zjarri në ajër, identifikohen në kohë reale nga Policia. Finalizohet operacioni policor i koduar “Gajushi”, vihen në pranga 2 autorët. Sekuestrohen dy armë zjarri (një automatik dhe një pistoletë) dhe fitil zjarrpërcjellës. Shërbimet e DVP Lezhë, në bashkëpunim me Komisariatin e Policisë Lezhë, pas njoftimit të marrë se në fshatin Gajush, Lezhë, kishte të shtëna me armë zjarri, menjëherë kanë organizuar punën për identifikimin dhe kapjen e autorëve.

Falë veprimeve të shpejta profesionale dhe hetimore u bë i mundur identifikimi në kohë reale i 2 shtetasve që kishin qëlluar me armë zjarri në ajër. Në bazë të provave të grumbulluara u organizua dhe finalizua operacioni policor i koduar “Gajushi”, si rezultat i të cilit u bë kapja e arrestimi i personave të dyshuar: -R. H., 19 vjeç dhe S. H., 28 vjeç, banues në Milot, Kurbin. Shërbimet e Policisë, gjatë kontrollit të banesës së shtetasit R. H. dhe ambientit përreth saj, gjetën dhe sekuestruan armën e zjarrit kallashnikov me të cilën dyshohet se këta shtetas kanë qëlluar në ajër, të cilën ky shtetas e kishte fshehur në një depozitë uji në banesën e tij.

Operacioni ka vijuar me kontrollin e banesës së shtetasit S. H., ku gjatë kontrollit shërbimet e Policisë gjetën dhe sekuestruan një armë zjarri pistoletë me një krehër dhe fitil zjarrpërcjellës. Materialet i kaluan Prokurorisë së Rrethit Gjyqësor Lezhë, për veprime të mëtejshme, për veprat penale “Armëmbajtja pa leje ” dhe “Prishja e rendit dhe qetësisë publike”.

(k.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet gjok malaj lezhe policia e shtetit redion hysa sokol hysa gjok malaj lezhe policia e shtetit redion hysa sokol hysa

Sondazh

Poll

Aktualitet 30 Dhjetor 2020, 07:46

TIRANË– Një aksident ka ndodhur gjatë mbrëmjes së djeshme në zonën e quajtur “Bishti i Zhurit” në Rrogozhinë. Rreth orës 23:20, një makinë ka dalë nga rrug...

MË SHUMË