“Shumë socialistë më mbështesin, por do t’i mbaj anonim”/ Marjana Koçeku: Një sërë ngjarjesh më kanë bërë të mendoj se s’i përkas këtij grupi politik!
“Si deputete e pavarur po punoj për një platformë politike”/ Koçeku: Të dëgjohen kë...
“Si deputete e pavarur po punoj për një platformë politike”/ Koçeku: Të dëgjohen kë...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
• Një ngjarje e rëndë në ka ndodhur në Korçë, në lagjen 17, ku nënë e bijë, janë gjetur të vdekura brenda banesës së tyre. • Mësohet se viktimat kanë qenë Eleni dhe Ornela Vangjeli, përkatësisht 74 dhe 54 vjeç. • Raportohet paraprakisht se dera e banesës ka qenë e mbyllur, ndërsa ka qenë zjarrfikësja që ka hapur derën duke gjetur të vdekura të dyja gratë në banesë. • Nga informacionet bëhet me dije se nëna ka qenë e paralizuar dhe dyshohet se vajza ka ndërruar jetë para saj, e më pas ka ndërruar jetë edhe nëna. • Sipas policisë vajza mund të ketë vdekur si pasojë e një arreti-kardiak, kurse nëna e paralizuar për shkak të mungesë së dhënies së medikamenteve.
5 artikuj për këtë temë.
KORÇË- Fqinja e 2 grave që u gjetën të vdekura në Korçë ka folur për mediat. Ajo thotë se hera e fundit që ka folur me Ornelën ka qënë ditën e shtunë, ku i tha se kishte shtruar të ëmën në spital për shak se kishte probeme me frymëmarrjen.
Pas asaj dite fqinja ka trokitur në derën e tyre por nuk e ka hapur askush. Ajo thotë se ditën e sotme në banesë kishin shkuar koleget e 54-vjeçares e cila punonte si edukatore, por përsëri dera ishte e mbyllur. Fqinja kishte telefonuar mbesën e tyre por ajo kishte thënë se nuk dintë asgjë. Ajo thotë se ditën e sotme erdhi djali i të moshuarës i cili po tentonte të hapte derën, e më pas thirri policinë e zjarrfikësen.
“Me Ornelën kam komunikuar të shtunën, ajo më tha që kishte shtruar nënën e saj në spital sepse kishte vështirësi në frymëmarrje.. Ornela më kërkoi të shihja nëse e kishte mbyllur derën e banesës së saj apo e kishte lënë hapur. Unë shkova kontrollova derën e shtëpisë së saj dhe i thashë që derën e ke të mbyllur. Gjatë këtyre ditëve kur kam dalë nga shtëpia kam trokitur tek dera e Ornelës por nuk më është përgjigjur njeri edhe pse kur kam parë derën nga afër më është dukur sikur brenda kishte çelës. U shqetësova sepse me Ornelën nuk po kontaktoja më. Ornela ishte edukatore në Vithkuq, dhe dhe sot erdhën kolegët e punës për ta kërkuar, trokitën edhe ata por dera nuk u hap. Unë mora në tel edhe mbesën e tyre por as ajo nuk dinte gjë. Sot erdhi djali nga Greqia, tentoi të hapte derën por dera ishte e mbyllur nga brenda. Më pas me ndihmën e zjarrfikëses dhe policisë dera u hap por i gjetën të pajeta,” tha fqinja.
Korçë- Dy gratë të cilat u gjetën të pajeta ditën e sotme në lagjen 17 të qytetit të Korçës, kishin disa ditë që nuk u përgjigjeshin telefonatave celulare. 54-vjeçarja Ornela Vagjeli, e cila dyshohet se nderroi jetë si pasojë e një ataku kardiak, punonte si edukatore në fshatin Vithkuq.
Ditët e fundit 54-vjeçarja nuk i ishte përgjigjur telefonatave të vëllait të saj, i cili jetonte dhe punonte në Greqi. Pasi e motra nuk i është përgjigjur, ai ka ardhur nga Greqia për të parë se çfarë po ndodhte me të.
Nëna e saj e moshuar e cila ishte e paralizuar dyshohet e ka ndërruar jetë pas vdekjes së vajzës së saj e cila nuk ka pasur mundësi të reagonte. Teksa nuk dihet ende se në çfarë distance kohore kanë ndërruar jetë dy gratë.
KORÇË- Fotoja e mësipërme është e 54-vjeçarja që ka humbur jetën disa ditë më parë në Korçë së bashku me mamanë e saj. Mësohet se Ornela Vangjeli u gjet e vdekur në banesën e saj bashkë më mamanë, 75-vjeçare Eleni Vangjeli.
Ajo punonte si edukatore në një shkollë në Korçë, ndërkohë që dyshohet se ka humbur jetën për shkak të një arresti kardiak. Ndërkohë që e moshuara ishte e paralizuar dhe nuk ka mundur që ta ndihmojë dot.
KORÇË-Eleni Vangjeli dhe dhe Ornela Vangjeli, nënë e bijë, të gjetura të vdekura ditën e sotme në Korçë sipas dyshimeve të policisë kanë vdekur për shkaqe natyrale. Të dyja gratë jetonin bashkë në banesë dhe mësohet se e moshuara ishte e paralizuar dhe e kishte të pamundru të lëvizte.
Prej vitesh për nënën kujdesej vajza e saj e ndjerë. Nga dyshimet e para të policisë mësohet se vajza mund të ketë vdekur si pasojë e një arresti kardiak dhe gjatë kësaj kohe e paralizuara nuk ka mundur të reagojë.
Banesa sipas policisë ka qenë e mbyllur nga brenda dhe nga ana tjetër ata mendojnë se e moshuara ka vdekur për shkak të mos marrjes së disa medikamenteve.
KORÇË- Dy gra janë gkjetur të vdekura brenda banesës së tyre në Korçë ditën e sotme. Mësohet se pa shenja jete dhe pa shenja dhunë janë gjetur në banesë Eleni Vangjeli dhe vajza e saj Ornela Vangjeli. Dyshohet se dyshja ka disa ditë që kanë humbur jetën, ndërkohë që policia është njoftuar për ngjarjen e rëndë nga të afërm të tyre. Shkaku ende nuk dihet, por sipas policisë dyshimet janë për vdekje natyrale.
Njoftimi i Policisë:
Korçë/Informacion paraprak Më datë 01.02.2024, rreth orës 16:42, në lagjen nr. 17, Korçë, në banesë, janë gjetur pa jetë, pa shenja dhune shtetaset E. V., 75 vjeçe dhe vajza e saj O. V., 54 vjeçe. Nga të dhënat e para, rezulton se këto shtetase nuk ju ishin përgjigjur në telefon familjarëve të tyre, prej disa ditësh. Dera e banesës së tyre është hapur nga shërbimet e zjarrfikësve, pasi ishte e kyçur nga brenda. Paraprakisht dyshohet se këto dy shtetase mund të kenë humbur jetë për shkaqe natyrale. Grupi hetimor po punon për përcaktimin e shkaqeve të humbjes së jetës së këtyre shtetaseve dhe sqarimin e rrethanave të ngjarjes.
