'Kërcet' arma në Shkodër, ekzekutohet 33-vjeçari, policia kontrolle për autorët, Fjerza u gjet nga familjarët i vrarë

Pamje nga vendngjarja

SHKODËR- Detaje të reja në lidhje me vrasjen në fshatin Hot i Ri në Shkodër janë zbuluar. Dyshohet se vrasja ka ndodhur pas një konflikti të çasit mes viktimës dhe personave të tjerë në një lokal.

Po ashtu bëhet me dije se në lokal, me Valter Fjerzën ishte dhe vëllai i tij. Autorët nuk dihet se kush janë, ndërkohë që policia ka nisur krehjen e zonës.

Vajter Fjerza

SHKODËR- Fotoja e mësipërme është e 33-vjeçarit që u ekzekutua mbrëmjen e sotme në Shkodër. I riut u gjet i vrarë nga familjarët e tij në kishën afër fshatit Hot i Ri.

Nuk dihen shkaqet e vrasjes së të riut. Në vendngjarje ka shkuar policia, e cila po bën krehjen e zonës për arrestimin e autorëve. 

SHKODËR- Detaje të reja kanë dalë nga vrasja e 33-vjeçarit Valter Fjerza në Shkodër. Mësohet se Fjerza u gjet i vrarë jashtë makinës së tij nga familjaret.

Vendi i vrasjes së të riut është pranë kishës së fshatit Hot i Ri. Familjarët kanë qenë ata që kanë njoftuar policinë, pasi gjetën trupin e pajetë të të riut.

Policia

SHKODËR- Vrasja e të riut Valter Fjerza në Shkodër ka ndodhur rreth orës 21.48. Mësohet se në vendngjarje ka shkuar policia, e cila po bën krehjen e zonës për të bërë të mundur arrestimin e autorëve. Shkaqet e vrasjes ende nuk dihen si dhe as identitetet e autorëve.

Njoftimi i policisë:

Shkodër/Informacion paraprak Rreth orës 21.48, në fshatin Hot i Ri, në rrethana ende të paqarta është vrarë me armë zjarri shtetasi V.F, rreth 33 vjeç, banues në fshatin Hot i Ri, Shkodër. Në vendngjarje kanë shkuar menjëherë shërbimet e Policisë dhe grupi hetimor. Janë ngritur pika kontrolli dhe vijon krehja e zonës me qëllim kapjen e autorit/ve. Grupi hetimor nën drejtimin e Prokurorisë vijon punën për sqarimin e rrethanave të ngjarjes.

Policia

SHKODËR- Personi i vrarë mbrëmjen e sotme në Shkodër është identifikuar. Mësohet se pre e plumbave ka rënë 33-vjeçari Valter Fierza.

I riu nga fshati Hot i Ri është qëlluar për vdekje. Autorët e ngjarjes ende nuk dihen, ndërkohë që policia ka shkuar në vendngjarje.

Policia

SHKODËR- Një person ka mbetur i vrarë mbrëmjen e sotme në Shkodër. Mësohet se nga të shtënat në fshatin Hot, një person ka humbur jetën.

Nuk dihet identiteti i të vrarit, por policia ka shkuar në vendngjarje. Pritet që të sjell njoftim zyrtar mbi ngjarjen që tronditi sot qytetin verior.

Foto ilustruese

SHKODËR- Të shtëna me armë në Shkodër janë dëgjuar mbrëmjen e sotme. Mësohet se të shtënat kanë ndodhur në fshatin Hot. 

Nuk dihen shkaqet e ngjarjes  apo nëse ka viktima nga të shtënat. Në vendngjarje ka shkuar policia dhe grupi hetimor.