Aktualitet

EMRI/ Arrestohet Oficerja e Policisë Gjyqësore, Gjykata e lë në arrest shtëpie, si i mori para pronares së klinikës dentare

Ajo është identifikuar si Arta Nazifi.

28 Shkurt 2023, 13:21 Nga f.m;f.g
EMRI/ Arrestohet Oficerja e Policisë Gjyqësore, Gjykata e lë
Policia e Tiranës

TIRANË- Agjencia e Mbikqyrjes Policore, ka arrestuar një 47-vjeçare pasi e akuzon se ka marrë ryshfet. Gruaja Arta Nazifi, 47 vjeçe punonte pranë Krimit Ekonomik dhe Financiar nëpostin e specialistes. Ajo akuzohet se ka marrë një shumë monetare në formë ryshfeti, kundrejt premtimit të lehtësimit të pozitave penale të personave që hetonte. Pas arrestimit, Gjykata i caktoi masën e sigurisë ‘arrest në shtëpi’. Nazifi po hetohet dhe nga Prokuroria e Posaçme Kundër Korrupsionit dhe Krimit të Organizuar (SPAK). Një nga rastet e provuara është se Nazii ka marrë para nga një grua që kishte një klinikë dentare dhe qendër estetike, për t'i lehtësuar akuzat që rëndonin mbi të. 

Njoftimi:

Specialistët e Drejtorisë Rajonale të Agjencisë së Mbikëqyrjes Policore Tiranë ekzekutuan vendimin e Gjykatës së Posaçme e Shkallës së Parë për Korrupsionin dhe Krimin e Organizuar, që ka caktuar masën e sigurimit personal “Arrest në shtëpi” për punonjësen e policisë A.N., me detyrë Specialiste në Sektorin Kundër Krimit Ekonomik e Financiar, në Drejtorinë Vendore të Policisë Tiranë.

Caktimi i masës u bë pasi Drejtoria Rajonale e AMP Tiranë, nën drejtimin e Prokurorisë së Posaçme Kundër Korrupsionit dhe Krimit të Organizuar (SPAK) kreu hetime në kuadër të procedimit penal të vitit 2023, mbi dyshimet për kryerjen e veprës penale “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”.

Nga hetimet është krijuar dyshimi i arsyeshëm se 47-vjeçarja, në cilësinë e oficerit të Policisë Gjyqësore në Sektorin Kundër Krimit Ekonomik dhe Financiar, ka kërkuar e marrë një shumë monetare në formë ryshfeti, kundrejt premtimit të lehtësimit të pozitave penale të personave që hetonte. Vazhdojnë hetimet për identifikimin e personave të tjerë të implikuar në këtë veprimtari të paligjshme./Dosja.al

arrestohet opgj ne tirane policia e tiranes arta nazifi

Sondazh

Poll

MË SHUMË