Publikimi i të dhënave nga institucionet shtetërore përfshirë edhe ato për sipërmarrjen do të rregullohen nëpërmjet një ligji dedikuar ripërdorimit të tyre në kohë reale nga bizneset dhe qytetarët.
Projektligji “Për të dhënat e hapura dhe ripërdorimin e informacionit të sektorit publik” i miratuar nga Këshilli i Ministrave pritet të diskutohet në komisionet parlamentare.
Drafti synon krijimin e një kuadri ligjor për ripërdorimin e informacionit të sektorit publik dhe sipërmarrjes. “Raste të dhënave të hapura zbatohen nga INSTAT, ASIG, portali opendata.gov.al i krijuar nga AKSHI, si praktika të mira administrative publike, por jo rrjedhojë e ndonjë kuadri rregullator të përgjithshëm në fuqi. Kjo gjendje rregullatore nuk garanton qëndrueshmërinë e pasjes së të dhënave publike në domen publik dhe ripërdorimit të tyre përmes mjeteve teknike të përshtatshme (ndërfaqet e programimit të zbatuar, API)”, shpjegohen në relacion arsyet e hartimit të projektligjit.
Kuadri i ri ligjor do të mundësojë ripërdorimin e të dhënave të ndërmarrjeve të ujit, energjetikes, transportit (publik, rrugor, ajror, dhe detar), shërbimeve postare dhe të dhënat e qendrave kërkimore. Përshtatja ndaj ndryshimeve teknologjike në fushën e menaxhimit dhe përdorimit të dhënave duke zbatuar gradualisht sistemet API për marrjen e të dhënave në kohë reale, parashikohet që për herë të parë të aplikohet në sektorin e transportit brenda 3 viteve nga miratimi i ligjit.
Sakaq, plotësimi i kuadrit rregullator në këtë drejtim është detyrim i vendit edhe në kuadër të procesit të integrimit evropian. Ndër të tjera, pritet që mundësitë e shtuara të ripërdorimit të këtij informacioni t’u lejojnë bizneseve të shfrytëzojnë potencialin e ripërdorimit e të japin kontribut për zhvillimin ekonomik dhe për hapjen e mbrojtjen e vendeve cilësore të punës.
Me zbatimin e kësaj politike qeveria synon që brenda 10 vitesh të rrisë 10% numrin e bizneseve që operojnë në fushën e Teknologjinë e Informacionit dhe Komunikacionit (TIK). Biznese që veprojnë në fushën e Informacionit dhe Komunikimit në vitin 2019 sipas INSTAT ishin mbi 4,700 të regjistruar dhe nga këto 3,089 biznese aktive.
Miratimi i kuadrit ligjor për publikimin e të dhënave publike synon përmirësimin e tregut të brendshëm, krijimin e aplikacioneve të reja API dhe zhvillimin e ekonomisë së të dhënave.
Kostoja për krijimin e aplikacioneve API (aplikacione novatore) dhe të mirëmbajtjes të tyre për qeverinë do të llogaritet në kostot administrative të institucioneve publike që angazhohen në ofrimin e të dhënave të hapura.
Marrë nga Monitor.al
1 vit nga zgjedhjet e 25 prillit si e shikoni gjendjen e vendit:
Familjet e varfra të klasifikuara në 20 përqindëshin e poshtëm te të ardhurave mujore shpenzojnë shumë më tepër për tu argëtuar, për restorante dhe hotele, sesa...
FMN parashikon se borxhi publik i Shqipërisë do të arrijë këtë vit në 83.2 për qind të PBB, niveli më i lartë historik që kur Shqipëria doli nga sistemi komunis...
Sot në emisionin “Historia ime” në Tv Klan është trajtuar fenomeni shqetësues i cili po dëmton shumë të rinjtë. Videomesazhet me përmbajtje erotike, por edhe dh...
Në Shqipëri, nga dita e sotme të gjithë do të duhet të vënë maska, edhe në ambientet jashtë, si një masë për parandalimin e përhapjes së Covid-19.Kryeministria ...
SHQIPËRI- Në 2021 pritet të nisë zbatimin skema për shpërndarjen e naftës pa akcizë. Eksperti i bujqësisë, Ervin Resuli vlerësoi pozitivisht nismën, pasi u...
TIRANË- Autoriteti Rrugor Shqiptar është në qëndër të vorbullës së hetimit për shkak të skandaleve që shoqërojnë njëri pas tjetrin këtë institucionin. Jo m...
TIRANË- Një anketim i kryer nga ATOA (Shoqata Shqiptare e Tur Operatorëve dhe Agjencive Turistike) ka treguar se në sektorin e turizmit pritet të faliment...
Nga një vëzhgim i Monitor në farmacitë e kryeqytetit konfirmohet se është shtuar kërkesa për maska njëpërdorimshme por ende njerëzit preferojnë që t’i blejnë me...
SHQIPËRI-Teksa e gjithë bota është mbërthyer nga emergjenca shëndetësore për shkak të koronavirusit, Ballkani dhe veçanërisht Shqipëria po përballen...
Fondi Monetar Ndërkombëtar, në “Pasqyrën Ekonomike Globale” të tetorit ka publikuar parashikimin zyrtar për ecurinë ekonomike të Shqipërisë, që për vitin 2020 p...