TIRANË– Java që lamë pas ka zhdukur nga faqja e dheut, katër persona, dy prej tyre janë gjetur….të vrarë! Gjithçka nisi më datë tre tetor, kur tre kushërinjtë nga Malësia e Madhe humbën gjurmët dhe nuk u dëgjua asgjë për të, për pesë ditë rresht.
Pasditen e datës tetë tetor, u gjetën trupat e dy prej tyre, Klement Pepajt dhe Vilson Çutajt. Të dy kushërinjtë, ishin vrarë me armë zjarri nga i afërmi i tyre, Daniel Pepaj që ende është në kërkim. Pavarësisht lajmeve se është lokalizuar në Podgoricë të Malit të Zi apo se është ndërhyrë, nga Danieli nuk është parë asgjë konkrete.
Por çfarë i çoi kushërinjtë në këtë krim makabër?
Vilsoni akuzonte Danielin se i kishte vjedhur 50 kg kanabis. Ai kërkoi ndihmën e Klementit për t’u ballafaquar me Danielin, të cilin të dy e rrahën. Pas dhunës, 25-vjeçari pranoi se e kishte marrë ai kanabisin dhe u propozoi që t’u kthente sasinë prej 7 kg që i kishte mbetur.
Kështu, më datë 3 tetor, Olsoni në timon, tre të tjerët pasagjerë, u nisën drejt vendit ku supozohet se Danieli kishte fshehur drogën. Olsoni priti në qendër të fshatit, ndërkohë që tre të rinjtë, u zhdukën për të mos u kthyer më, për pesë ditë me radhë. Danieli e qëlloi Vilsonin me armë zjarri, ndërsa pas tij, nga frika se mos tregonte, vrau edhe Klementin.
Më pas, u largua, në një drejtim që ende nuk dihet. Dy kufomat e të rinjve u gjetën pas pesë ditësh kërkime, të mbuluar me shkurre dhe larg njëri-tjetrit.
Pak ditë pas kësaj ngjarjeje të rëndë, një tjetër person u zhduk. Këtë herë, ngjarja u zhvendos në Vlorë. Ermal Ngucaj, 40 vjeç, banues në Vlorë, prej katër ditësh rezulton i zhdukur dhe nuk ka pasur kontakte me familjarët e tij. Pasditen e sotme, familjarët e të riut, kanë dhënë alarmin për zhdukjen e tij, duke hedhur gjithashtu dyshime mbi faktin se Ngucaj mund të jetë rrëmbyer.
Blutë e Vlorës janë vënë në lëvizje për të kërkuar të riun dhe ajo që kanë gjetur janë vetëm rrobat dhe makina e Ngucaj, në Mavrovë. Nuk dihet ende se me kë e ka bërë udhëtimin e fundit me makinë Ermal Ngucaj, ndërkohë që fakti që rrobat e tij janë gjetur brenda mjetit, shtojnë dyshimet për një vrasje.
Prindërit e 40-vjecarit të humbur në Vlorë, Fejzi dhe Mjaftime Ngucaj kanë rrëfyer se janë të bindur se Ermal Ngucajn e kanë rrëmbyer. Ata u shprehën për mediat se pas shtatë muajsh qëndrimi në Itali, prisnin që në Vlorë të shkonte e t’i merrte 40-vjeçari, por janë përballur me një pritje të gjatë. Ermali nuk ka shkuar dhe ata janë detyruar të kthehen me një tjetër mjet.
Fejzi dhe Mjaftime Ngucaj shprehen se kanë pritur me idenë se ai do të kthehej, por të nesërmen kanë dalë të kërkojnë vetë. Një djalë i ka dërguar tek makina dhe brenda saj kanë gjetur rrobat e djalit dhe atletet, por Ermali nuk dukej gjëkundi. Telefonatën e fundit, 40-vjeçari e kishte kryer me të shoqen, të cilës i kishte thënë se kishte ngatërruar rrugë. Prindërit hedhin dyshime mbi miqtë e të birit, që i quajnë të ligj.
Ermal Ngucaj është një personazh i njohur për blutë e Vlorës, pasi ka precedentë kriminalë. 40-vjeçari kishte vetëm një vit që kishte lënë qelinë e burgut.
Në çfarë ngjarjeje ishte përfshirë i zhdukuri dhe pse ra në burg?
Ngjarja për të cilën Ngucaj ka bërë burg, ka ndodhur shtatorin e vitit të kaluar. Ai u përfshi në një përplasje mes një 19-vjeçari dhe pronarit të një guroreje. I riu Paulo Durmishaj, u përplas qëllimisht me makinë nga Ngucaj, i cili punonte si roja i një firme intertesh. Pikërisht me këtë firmë familja e 19-vjeçarit ishin në konflikt prej vitesh. Në atë kohë, Durmishaj pretendonte se 40-vjeçari e kishte ndjekur me një mjet “Benz” me ngjyrë të bardhë, duke shtuar se ndoshta pronari i firmës e kishte dërguar për ta trembur. Ngucaj u arrestua dhe pak kohë më parë la qelinë. Sot, rezulton i zhdukur dhe nuk ka asnjë zhurmë për të.
Po policia ç’po bën?
Këto ditë, në çdo rrugë e rrugicë të mundshme, do të haseni me efektivë të shumtë policie…por ata nuk janë duke kërkuar as Daniel Pepajn që ekzekutoi dy kushërinjtë dhe as Ngucajn. Efektivët këto ditë, kanë një mision më të rëndësishëm, të gjobisin qytetarët që nuk vendosin maskë! Ndërkohë, prindërit presin se ndoshta ndonjë ditë, bijtë që ua ka marrë rruga do tu kthehen…qoftë dhe të vdekur.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Pas ligjit të vendosur nga qeveria e vendit se maskat do të bëhen të detyrueshme nga dita e sotme edhe në ambiente të hapura të parët që kanë respe...
TIRANË- Të qeshurat në studion e “Opinion” ku kryeministri Rama u shpreh se “nuk gënjen pasi hajdut 2 metra nuk ka”. Ishte komenti ironizues i gazetarit Ar...
TIRANË- Eksperti Erion Dasho, duke folur në Çim Peka LIVE, bëri disa deklarata të forta.“Ka ardhur koha që të kemi ekspertë me shtyllë njerëzore dhe...
TIRANË- Eksperti Erion Dasho, deklaroi në Çim Peka LIVE se mbajtja e maskës në publik është një masë e panevojshme, që synon të shmangë vëmendjen ng...
TIRANË- Mjeku Pëllumb Pipero deklaroi në Çim Peka LIVE se shtimi i rasteve me koronavirus në vend ishte i pritshëm.“Kjo është një rritje që po e vër...
TIRANË- Kryeministri Edi Rama ka folur në emisionin “Opinion” në lidhje me vendimin e mbajtjes së maskës në çdo ambient.Rama iu soll në vëmendje ras...
TIRANE– Deputetët nuk kanë shpëtuar pa gjoba nga policia e shtetit pasi janë kapur në rrugë pa maska. Një grup efektivësh, me bllok më dorë, janë pozicionuar pa...
TIRANË– Ermal Ngucaj është djali i dytë i familjes që është zhdukur. Me lot në sy përpara kamerës, nëna e Ermalit ka pohuar se ka përjetuar vdekjen e një t...
TIRANE– Policia e Shtetit ka dalë ditën e sotme në terret për të bërë kontrollin për të gjithë qytetarët që nuk kanë vendosur maskën në ambientet e jashtm...
