Sport

‘Oscarët’ e sportit… Jo vetëm Alcaraz dhe Sabalenka, por edhe Paris SG, Lamine Yamal dhe Norris, morën çmime në Madrid

“Momentet e vështira, presioni, puna çdo ditë. Kjo është arsyeja pse ky çmim ka një kuptim të ndryshëm", tha Sabalenka.

21 Prill 2026, 07:30 Nga DOSJA

‘Oscarët’ e sportit… Jo vetëm Alcaraz dhe

SPANJE - Përveç Carlos Alcaraz, fituesit kryesorë të Çmimeve Botërore të Sportit Laureus 2026 ishin edhe Aryna Sabalenka, Paris Saint-Germain, Lando Norris dhe Rory McIlroy.

Çmimet ‘Oscar të Sportit’ u mbajtën për të tretin vit radhazi në Madrid, në Palacio de Cibeles historike. Për herë të parë në histori, ceremonia u drejtua nga dy atletë, yje të tenisit dhe skijimit në stil të lirë, të dy ish-fitues të Laureus: Novak Djokovic dhe Eileen Gu.

Aryna Sabalenka fitoi çmimin "Sportistja e Vitit", duke ruajtur vendin e parë në renditje gjatë gjithë vitit 2025 dhe duke fituar turne të mëdhenj, përfshirë US Open. "Ky çmim është vërtet i veçantë për mua. Është sinqerisht e pabesueshme të dëgjoj emrin tim të lidhur me kaq shumë legjenda.

Të njihem nga Akademia Laureus do të thotë shumë, sepse ata i kuptojnë sakrificat që duhen bërë për të arritur qëllime të caktuara. Për mua, nuk ka të bëjë vetëm me fitoret, por me gjithçka që qëndron pas tyre. Momentet e vështira, presioni, ekipi, puna çdo ditë. Kjo është arsyeja pse ky çmim ka një kuptim të ndryshëm", tha Sabalenka. 

Ja lista e plotë e fituesve: Atleti i Vitit - Carlos Alcaraz; Atletja Femër e Vitit - Aryna Sabalenka; Ekipi i Vitit - Paris Saint-Germain; Lojtari i Vitit që progresoi - Lando Norris; Lojtari i Vitit që u rikthye - Rory McIlroy; Atleti me Aftësi të Kufizuara i Vitit - Gabriel Araújo; Sportet e Aksionit - Chloe Kim; Atleti i ri - Lamine Yamal; Çmimi për Frymëzim Sportiv - Toni Kroos; Çmimi për arritje gjatë jetës - Nadia Comaneci; Sporte për të mirë - Fútbol Mas.

B.T (Dosja.al)

Sondazh

Poll

MË SHUMË