Sport

Superiorja/ Befason Flamurtari, fiton ndaj Egnatias dhe arrin një fitore shprese...

Ndeshja u mbyll me fitoren e pastër të vlonjatëve, që numërojnë 29 pikë dhe mbyllin tabelën e renditjes. Egnatia mbetet e treta me 54 pikë

18 Prill 2026, 22:11 Nga DOSJA

Superiorja/ Befason Flamurtari, fiton ndaj Egnatias dhe arrin një fitore

RROGOZHINE - Në kuadër të javës së 32-të të Superiores, kampionët e Egnatias ndalet sërish, këtë herë nga vendi i fundit, Flamurtari. Vlonjatët kanë arritur të triumfojnë me shifrat e pastra 0-2 ndaj rrogozhinasve, që konfirmojnë edhe një herë se po kalojnë një moment të vështirë.

Ndeshja u hap me gol që në hapje, me mbrojtësin e rrogozhinasve, Jaime, që shkaktoi autogol në portën e tij në minutën e 11-të, pas një harkimi të Ememe. Për ta vështirësuar sfidën akoma më shumë për vendasit mendoi Xhemajli, i cili u ndëshkua me karton të kuq pas një ndërhyrjeje nga pas ndaj Bintsukës.

Gjyqtari Alla e mori këtë vendim pas rishikimit në sistemin VAR në fund të 45 minutave të para. Por për të mbyllur llogaritë mendoi Ememe, i cili në minutën e 52-të arriti të mposhtë portierin e Egnatias më një goditje të fortë në trekëndëshin e portës, duke vulosur fitoren 2-0, me një gol mjaft të bukur.

Pavarësisht tentativave të të dyja ekipeve, ndeshja u mbyll me fitoren e pastër të vlonjatëve, që numërojnë 29 pikë dhe mbyllin tabelën e renditjes. Egnatia mbetet e treta me 54 pikë, ndërsa Vllaznia kryeson me 60 pikë.

B.T (Dosja.al)

Sondazh

Poll

MË SHUMË