Sport

Legjenda e çiklizmit botëror, Eddy Merckx, shtrohet në spital me një infeksion në legen

Këto probleme shëndetësore për 80-vjeçarin, fitues të pesë Tours de France, datojnë që nga dhjetori i vitit 2024, kur "Kanibali" ra gjatë një xhiroje me biçikletë, duke rrëshqitur në një kryqëzim hekurudhor.

10 Prill 2026, 08:30 Nga DOSJA

Legjenda e çiklizmit botëror, Eddy Merckx, shtrohet në spital

BELGJIKE - Eddy Merckx është shtruar në spital për trajtim të një infeksioni në ije. "Meqenëse kisha shumë dhimbje, u shtrova të hënën e kaluar", tha legjenda e çiklizmit për gazetën flamande Het Laaste Nieuws.

"Mjekët nuk mund ta gjejnë shkakun e këtij infeksioni dhe, meqenëse antibiotikët nuk janë shumë efektivë, ata do ta operojnë përsëri të hënën tjetër. Mjaft më ka ndodhur".

Këto probleme shëndetësore për 80-vjeçarin, fitues të pesë Tours de France, datojnë që nga dhjetori i vitit 2024, kur "Kanibali" ra gjatë një xhiroje me biçikletë, duke rrëshqitur në një kryqëzim hekurudhor.

Eddy Merckx pësoi frakturë në ije. Që atëherë, ai i është nënshtruar gjashtë operacioneve. Më e rëndësishmja, ishte e nevojshme të zëvendësohej proteza fillestare, e cila ishte siguruar dobët. 

B.T (Dosja.al)

Sondazh

Poll