Sport

Dy stadiume me të njëjtin emër në Londër… Një tifoz Barçës i ngatërron dhe përfundon në Serinë C angleze

Tifozi spanjol me shumë gjasa e ka shkruar atë emër në GPS-in e tij dhe ka ndjekur udhëzimet pa kontrolluar destinacionin e tij të vërtetë.

12 Mars 2026, 09:30 Nga DOSJA

Dy stadiume me të njëjtin emër në Londër…

ANGLI - Të humbasësh stadiumin e duhur me "vetëm" 550 km dhe të gjendesh duke parë Serie C angleze në vend të Ligës së Kampionëve edhe kjo ndodh! 

Një tifoz spanjol i Barcelonës që jetonte në Londër e arriti këtë sukses. Ai donte të shihte ekipin e Flick të luante kundër Newcastle në ndeshjen e parë të raundit të 16-tave, por në vend të kësaj e gjeti veten te Exeter City, një ekip në ligën e tretë angleze.

Gabimi në dukje i pabesueshëm lindi nga fakti se të dy stadiumet kanë të njëjtin emër: St. James Park. Tifozi spanjol me shumë gjasa e ka shkruar atë emër në GPS-in e tij dhe ka ndjekur udhëzimet pa kontrolluar destinacionin e tij të vërtetë.

Pasi arriti në destinacion dhe e kuptoi se kishte bërë llogaritjet krejtësisht gabim, Adam Spencer, përfaqësuesi i tifozëve të Exeter, e ngushëlloi. "Ai nuk fliste shumë mirë anglisht," citohet të ketë thënë Spencer nga klubi në X. "Ai ishte shumë i zhgënjyer dhe pak i turpëruar, kështu që e ftuam të shihte një ndeshje në stadiumin e vërtetë St. James Park ."

B.T (Dosja.al)

Sondazh

Poll

MË SHUMË