Politike

Protesta e PD, Koçiu: Të shkosh me molotovë drejt godinës së Policisë së Shtetit nuk është akt proteste por...

Koçiu shprehet gjithashtu se, ky zjarr nuk djeg dot asnjë reformë dhe as të ardhmen europiane të Shqipërisë, por vetëm mbetjet e fundit të një opozite.

28 Shkurt 2026, 20:22 Nga E. D

Protesta e PD, Koçiu: Të shkosh me molotovë drejt godinës

TIRANË- Ministrja e Punëve të Brendshme, Albana Koçiu ka reaguar lidhur me protestën e Partia Demokratike. Me anë të një postimi në Facebook, Koçiu thekson se fakti që protestuesit shkuan me molotovë në duar drejt godinës së Policisë së Shtetit është një provokim i hapur dhe një dëshirë e ethshme për përshkallëzim. 

Koçiu shprehet gjithashtu se, ky zjarr nuk djeg dot asnjë reformë dhe as të ardhmen europiane të Shqipërisë, por vetëm mbetjet e fundit të një opozite.

Reagimi i Koçiut:

Të shkosh me molotovë në duar drejt godinës së Policisë së Shtetit nuk është një akt proteste, por një provokim i hapur dhe një dëshirë e ethshme për përshkallëzim, duke tentuar të delegjitimohet forca e ligjit përballë presionit të rrugës. Marshojnë si çlirimtarë në rrugët e kryeqytetit, ndërkohë që janë po ata vetë që shqiptarët i kanë lënë jashtë rrugës së politikës me votë.

Duke u fshehur pas bandës së molotovëve, ky Don Kishot që grindet me koshat e mbeturinave si me mullinjtë e erës, e ka kthyer partinë e parë pluraliste në një repart zjarrvënësish. Ky zjarr nuk djeg dot asnjë reformë dhe as të ardhmen europiane të Shqipërisë, por vetëm mbetjet e fundit të një opozite që nuk di më as kush është, as ku po shkon dhe as pse po bërtet./Dosja.al

albana koçiu

Sondazh

Poll

MË SHUMË