Aktualitet

Aksidenti me 7 viktima në Rumani/ Dalin PAMJET nga tragjedia, momenti kur furgoni i tifozëve të PAOK-ut përplaset me kamionin

Sipas raportimeve, furgoni transportonte dhjetë pasagjerë, të cilët ishin tifozë të klubit grek PAOK. Udhëtarët ishin nisur nga Katerini, ndërsa destinacioni i tyre ishte Franca.

27 Janar 2026, 22:48 Nga E. D
Aksidenti me 7 viktima në Rumani/ Dalin PAMJET nga tragjedia, momenti kur
pamjet nga vendi i ngjarjes

RUMANI- Pamjet nga aksidenti tragjik, ku humbën jetën shtatë tifozë të klubit grek PAOK, mes tyre dhe dy shqiptarë, janë publikuar. Siç shihet edhe në pamje, furgoni është përplasur 'kokë më kokë' me një kamion. 

Sipas raportimeve, furgoni transportonte dhjetë pasagjerë, të cilët ishin tifozë të klubit grek PAOK. Udhëtarët ishin nisur nga Katerini, ndërsa destinacioni i tyre ishte Franca.

Aksidenti tragjik ndodhi në Rumani, kur një furgon me tifozë të ekipit grek PAOK të Selanikut, të cilët udhëtonin drejt Francës për të ndjekur ndeshjen kundër Lionit në Europa League, u përfshi në aksident në autostradën pranë qytetit Lugoj. Të gjithë tifozët ishin të moshës 25 deri në 30 vjeç. Sipas autoriteteve rumune, furgoni tentoi të parakalonte një kamion-cisternë, por gjatë rikthimit në korsi u përplas fillimisht me të dhe më pas kaloi në krahun e kundërt të rrugës, ku u përplas me një kamion tjetër. Në aksident u përfshinë gjithsej katër mjete.

Gjashtë nga viktimat humbën jetën në vend, ndërsa një tjetër ndërroi jetë gjatë transportit drejt spitalit. Helikopterët e emergjencës nuk mundën të ndërhyjnë për shkak të kushteve të këqija atmosferike, ndërsa të plagosurit u dërguan në spitalin e qytetit Lugoj.

Ministria e Jashtme e Greqisë dhe ambasada greke në Bukuresht ndodhen në kontakt të vazhdueshëm me autoritetet rumune, për identifikimin e viktimave dhe mbështetjen e familjarëve. Ndërkohë, Klubi i PAOK ka shpallur zi dhe ka njoftuar se do të mbulojë të gjitha shpenzimet për kthimin e trupave dhe ndihmën ndaj të plagosurve./Dosja.al

 

paok

Sondazh

Poll

MË SHUMË