Sport

Tronditëse!… zbulohet, se një nga trajnerët që stërviti Ajax dhe Cruyff, ishte spiun!

Legjenda e trajnerit, Stefan Kovacs, është demaskuar si spiun, i cili punonte për policinë sekrete (Securitatea) të urryer të Rumanisë. Ai udhëhoqi Ajaxin drejt lavdisë në Kupën e Evropës në vitet 1972 dhe 1973.

27 Janar 2026, 10:00 Nga DOSJA

Tronditëse!… zbulohet, se një nga trajnerët që

RUMANI - Trajneri legjendar Stefan Kovacs është demaskuar si spiun sekret. Ai stërviti edhe yllin e famshëm holandez Johan Cruyff, ndërsa udhëhoqi Ajax drejt Kupave të Evropës.

Rumuni Kovacs gjithashtu trajnoi edhe dy kombëtare, atë franceze dhe atë rumune. Ai gjithashtu drejtoi edhe skuadrat e Monacos, Panathinaikosit dhe Steaua Bukureshtit.

Tronditëse!… zbulohet, se një nga trajnerët që

Kovacs, i cili vdiq në vitin 1995 në moshën 74 vjeç, është renditur vazhdimisht midis trajnerëve më të mëdhenj të të gjitha kohërave.

Por një gazetë rumune ka zbuluar tani se ai kaloi tetë vjet në listën e pagave të një prej organizatave më të frikshme të spiunazhit në botë.

Gazeta Sporturilor publikoi fragmente nga dosjet e Securitateas, që tregonin se Stefan Kovac punoi për ta midis viteve 1955 dhe 1963 - duke përdorur pseudonimin Vasile Munteanu.

Ato përfshinin një letër të shkruar me dorë nga trajneri, ku thuhej: “Unë marr përsipër vullnetarisht t’u komunikoj paraprakisht organeve të sigurisë shtetërore gjithçka që di në lidhje me punën minuese të kryer nga elementë armiqësorë… pa bërë përjashtim për të afërmit ose miqtë.”

Dosja prej 31 faqesh përfshin gjithashtu korrespondencë nga zyrtarët e Securitateas që komentojnë mbi punën e Kovacs. Shënimet lavdërojnë punën e kryer gjatë kohës nga “Agjenti Munteanu”. 

Tronditëse!… zbulohet, se një nga trajnerët që

Thuhet se ai ka dorëzuar raporte mbi lojtarët dhe stafin me të cilët ka pasur të bëjë gjatë roleve të tij si trajner. Kovacs kreu punën e tij për Partinë Komuniste të Rumanisë, ndërsa drejtonte tre klube të ndryshme në qytetin e Transilvanisë, Cluj.

E themeluar në vitin 1948, Securitatea ishte një nga forcat e policisë sekrete më brutale në botë. Ajo ishte përgjegjëse për mijëra vdekje nën presidentin e urryer rumun Nicolae Çaushesku përpara se të shpërbëhej në vitin 1989.

B.T (Dosja.al)

Sondazh

Poll

MË SHUMË