Sport

Kupa e Afrikës/ Infantino dënon ndeshjen finale: "Skena të papranueshme në finale"...

Presidenti i FIFA-s: "Ato duhen dënuar dhe nuk duhet të ndodhin më kurrë."

19 Janar 2026, 11:22 Nga DOSJA

Kupa e Afrikës/ Infantino dënon ndeshjen finale: "Skena të

MAROK - "Fatkeqësisht, pamë skena të papranueshme në fushë dhe në tribuna: dënojmë me forcë sjelljen e disa 'tifozëve', si dhe të disa lojtarëve senegalezë dhe anëtarëve të stafit të trajnerëve.

Është e papranueshme të braktisësh fushën e lojës në këtë mënyrë dhe, po ashtu, dhuna nuk mund të tolerohet në sportin tonë; thjesht nuk është e drejtë."

Kjo ishte deklarata e Presidentit të FIFA-s, Gianni Infantino, mbi ngjarjet e pabesueshme që ndodhën në Kupën e Kombeve të Afrikës midis Marokut dhe Senegalit, në të cilën gjyqtari dha një penallti (më vonë të humbur nga Brahim Diaz) në minutën e 98-të për afrikano-veriorët, gjë që çoi në një pushtim të fushës nga disa tifozë senegalezë dhe një grup lojtarësh senegalezë që e lanë përkohësisht fushën në shenjë proteste.

"Ne gjithmonë duhet t'i respektojmë vendimet e marra nga gjyqtarët brenda dhe jashtë fushës. Ekipet duhet të garojnë në fushë dhe brenda rregullave të lojës, sepse çdo sjellje në kundërshtim me këto rregulla rrezikon vetë thelbin e futbollit", vazhdoi Infantino.

"Është gjithashtu përgjegjësi e ekipeve dhe lojtarëve të veprojnë me përgjegjësi dhe të japin një shembull të mirë për tifozët në stadiume dhe miliona spektatorë në të gjithë botën. Skenat e shëmtuara që pamë sot duhet të dënohen dhe nuk duhet të përsëriten kurrë. E përsëris se ato nuk kanë vend në futboll."

B.T (Dosja.al)

Sondazh

Poll

MË SHUMË