Sport

Bosi i Macclesfield, bën zbulimin e pazakontë: "E bleva klubin, pasi piva 4 ditë rresht"

Rob Smethurst zbulon gjithashtu bonusin që do t'i japë skuadrës për fitoren historike kundër Crystal Palace.

11 Janar 2026, 17:13 Nga DOSJA

Bosi i Macclesfield, bën zbulimin e pazakontë: "E bleva klubin,

ANGLI - Pas eliminimit historik të Crystal Palace nga FA Kupa me një fitore 2-1 nga Macclesfield, pronari i klubit të kategorisë së gjashtë foli për shtypin anglez, duke mos fshehur emocionet e tij në këtë moment shumë të veçantë.

"Të shohësh tifozët që vrapojnë në fushë tregon se çfarë domethënie ka pasur kjo për të gjithë. Kur bleva klubin pesë vjet më parë, nuk e imagjinoja kurrë se kjo mund të ndodhte", tha Rob Smethurst për TNT Sports.

Pronari i emblemës së divizionit të gjashtë bëri gjithashtu një zbulim krejtësisht të pazakontë në lidhje me kushtet në të cilat ai e mori klubin: "E bleva në Rightmove (një platformë blerjeje pasurish të paluajtshme), pasi kalova katër ditë duke pirë... Shikoni ku jemi tani."

Rob Smethurst zbuloi gjithashtu se çfarë çmimi do t'i japë ekipit pas këtij triumfi epik. "Tashmë kam planifikuar një udhëtim në Ibiza me djemtë. Nuk do të jetë menjëherë, por patjetër në fund të sezonit", zbulon ai, duke shtuar se priste të shkatërrohej: "Është Palace, një ekip cilësor. Mendova se do të ishte 6-0 ose 7-0, por kurrë diçka e tillë. Lojtarët ishin të çmendur."

Vlen të kujtohet se Macclesfield luan në Ligën Kombëtare Veriore (liga e gjashtë) dhe aktualisht është në vendin e 14-të. Trajneri i tyre është John Rooney, vëllai i Wayne Rooney, një legjendë e Manchester United dhe ekipit kombëtar anglez.

B.T (Dosja.al)

Sondazh

Poll

MË SHUMË