Sport

“Çështja Asllani”- bën një hap pas Torino... Presidenti Cairo: “Ka shumë cilësi, por të shohim çfarë do të ndodhë në janar”

Interi është duke punuar për këtë çështje me Asllanin, që së fundmi duket se është vënë edhe në shënjestrën e Gironës në Spanjë

10 Janar 2026, 10:15 Nga DOSJA

“Çështja Asllani”- bën një hap pas Torino...

ITALI - Kristjan Asllani ditët e fundit është vënë në qendër te zërave të merkatos. Mesfushori i Kombëtares shqiptare po flitet për një largim të mundëshëm nga Torino, ku ai është transferuar nga Interi në formë huazimi me të drejtë blerjeje.

Presidenti i klubit granata, Urbano Cairo në një i intervistë për TeleLombardia foli për merkaton e skuadrës së tij, por kur u pyet për situatën e Kristjan Asllanit, ai preferoi të ishte i ekuilibruar.

“Asllani? Ka bërë ndeshje të mira dhe ndeshje më pak të mira, si të gjithë te Torino, - tha Cairo, - por ai ka cilësi të jashtëzakonshme; përdor shumë mirë këmbën e djathtë, po kështu edhe të majtën sa nuk e di se cilën di të përdorë më mirë. Të shohim në merkaton e janarit që gjithnjë rezervon surpriza…”

Së fundmi u fol shumë herë sesi janë krisur raportet mes mesfushorit kuqezi dhe klubit Torino dhe për këtë arsye po shihet mundësia që të mbyllet përpara kohë kontrata e huazimit dhe të gjendet një destinacion i ri për Asllanin.

Interi është duke punuar për këtë çështje me Asllanin që së fundmi duket se është vënë edhe në shënjestrën e Gironës në Spanjë, me idenë që në verë të realizojë shitjen përfundimtare të kartonit të futbollistit.

B.T (Dosja.al)

Sondazh

Poll

MË SHUMË