Sport

Divorc “i kushtueshëm”: kampioni olimpik shet 3 medalje ari për 400.000 euro!...

Amerikani 41-vjeçar po përballet me vështirësi financiare, pas ndarjes nga ish-partnerja e tij, pjesë e Playboy-it, Kayla Reid.

8 Janar 2026, 09:00 Nga DOSJA

Divorc “i kushtueshëm”: kampioni olimpik shet 3 medalje ari

SHBA - Duke pasur vështirësi financiare pas divorcit nga gruaja e tij, ish-aktorja e playboyt Kayla Reid, nëna e tre fëmijëve të tij, fituesi i shumë medaljeve të arta olimpike Ryan Lochte është detyruar të shesë në ankand tre nga gjashtë medaljet e tij të arta për një total prej 385.520 dollarësh (rreth 400,000 euro).

Darren Rovell i CLLCT njoftoi lajmin, siç raportohet nga Daily Mail. Lochte kishte shitur tashmë gjashtë medalje bronzi dhe argjendi olimpike për 166.000 dollarë në vitin 2022, por tani ai ka shitur medaljen e tij të artë në stafetën 4x200 metra stil i lirë nga Lojërat Olimpike Verore të Pekinit 2008 (183.000 dollarë), të cilën e fitoi me Michael Phelp.

Gjithashtu edhe medaljen e tij të artë në stafetën 4x200 metra nga Lojërat Olimpike Verore të Athinës 2004 (80.000 dollarë) dhe medaljen e tij të artë në stafetën 4x200 metra stil i lirë nga Lojërat Olimpike Verore të Rios 2016 (122.000 dollarë).

41-vjeçari, fitues i 12 medaljeve, deklaroi në rrjetet sociale në lidhje me medaljet e tij olimpike: "Do të doja gjithashtu të sqaroja çështjen e shitjes së medaljeve të mia. Nuk kam notuar kurrë për medalje ari. Pasioni im ka qenë gjithmonë të jem një nga notarët më të mirë në botë."

B.T (Dosja.al)

Sondazh

Poll

MË SHUMË