Sport

E RRALLE/ Në Skoci propozohet festë zyrtare për ndeshjen e parë të kombëtares në Botëror!

Kryeministri skocez, John Swinney, propozoi të hënën, që 15 qershori 2026 të jetë festë zyrtare, për t'u lejuar të gjithë skocezëve të ndjekin ndeshjen e ekipit kombëtar në Kupën e Botës kundër Haitit, e planifikuar për orën 2 të mëngjesit (ora skoceze).

5 Janar 2026, 14:33 Nga DOSJA
E RRALLE/ Në Skoci propozohet festë zyrtare për ndeshjen e

SKOCI - Një propozim mjaft i pazakontë. Këtë të hënë, njoftimi i parë publik i qeverisë skoceze për vitin 2026 zbuloi... një dëshirë për të institucionalizuar një festë zyrtare më 15 qershor, datën e ndeshjes hapëse të kombëtares skoceze në Kupën e Botës FIFA 2026.

Scott McTominay dhe shokët e tij të ekipit do të luajnë ndeshjen e tyre të parë të Kupës së Botës që nga viti 1998, natën e 14-15 qershorit, në orën 2 të mëngjesit (ora skoceze), kundër Haitit në Boston (SHBA).

“Emocioni që shoqëroi fitoren epike kundër Danimarkës (4-2 më 18 nëntor) na kujtoi se sa shumë do të thotë futbolli për vendin tonë”, shkroi Kryeministri John Swinney në faqen e internetit të qeverisë. 

“Ne duam të sigurohemi që sa më shumë njerëz të mund të festojnë suksesin e ekipit. Kjo nuk është vetëm një ngjarje historike sportive, por është edhe një mundësi për Skocinë të shkëlqejë në skenën ndërkombëtare, duke tërhequr biznese dhe turistë. Kjo është arsyeja pse do të propozoj që e hëna pas ndeshjes sonë hapëse të jetë një festë kombëtare, pavarësisht nga rezultati i ndeshjes.”

Kërkesa ende ka nevojë për miratimin e Mbretit Charles III, pas një takimi të Këshillit Privat, që të ratifikohet.

B.T (Dosja.al)

Sondazh

Poll

MË SHUMË