Sport

Tsitsipas ve në dyshim karrierën e tij, pas një viti të mbushur me dëmtime…

Tenisti 27-vjeçar grek pati shumë probleme fizike gjatë vitit 2025, veçanërisht me shpinën.

1 Janar 2026, 18:18 Nga DOSJA

Tsitsipas ve në dyshim karrierën e tij, pas një viti të

ANGLI - Tenisti Stefanos Tsitsipas, i cili renditet i 36-ti në renditjen e ATP-së, ka thënë se e mendon edhe tërheqjen nga tenisi për shkak të problemeve të vazhdueshme fizike që ka pasur në vitin 2025, veçanërisht dhimbjeve të forta të shpinës.

Gjithsesi, tenisti, i cili u rendit i treti në botë dhe nënkampion në French Open në 2021 dhe Australian Open në 2023, pranoi se trajtimet e fundit mjekësore kanë filluar të japin efekt. Në fakt, ai ka përfunduar pesë javë stërvitje jashtë sezonit pa dhimbje.

"Jam shumë i emocionuar të shoh se si do të reagojë stërvitja ime aktuale në lidhje me shpinën time", tha Tsitsipas. "Shqetësimi im më i madh ishte nëse do të isha në gjendje të përfundoja një ndeshje."

Tsitsipas, 27 vjeç, shpjegoi se ky dëmtim i kishte shkaktuar probleme gjatë tetë muajve të fundit. "Isha shumë i frikësuar pasi humba US Open. Nuk munda të ecja për dy ditë. Atëherë e rishqyrton të ardhmen e karrierës tënde."

Stefanos do të luajë për Greqinë kundër Japonisë, me Naomi Osakan, në United Cup, që zhvillohet në Perth dhe Sydney nga 2 deri më 11 janar, javën para Australian Open.

B.T (Dosja.al)