Bota

Franca dhe Moska në dialog për paqen në Ukrainë? Presidenca Franceze: Çdo bisedë me Rusinë do të zhvillohej me transparencë të plotë

Macron tha javën e kaluar se do të ishte e dobishme që Evropa të kontaktonte Moskën për të siguruar që një marrëveshje paqeje në Ukrainë të mos negociohet vetëm nga SHBA-ja, Rusia dhe Ukraina.

21 Dhjetor 2025, 14:36 Nga D.S
Franca dhe Moska në dialog për paqen në Ukrainë? Presidenca
Emmanuel Macron

FRANCË- Presidenti i Francës, Emmanuel Macron, dhe homologu i tij rus mund të jenë duke zhvilluar bisedime dypalëshe mbi Ukrainën. Macron tha javën e kaluar se do të ishte e dobishme që Evropa të kontaktonte Moskën për të siguruar që një marrëveshje paqeje në Ukrainë të mos negociohet vetëm nga SHBA-ja, Rusia dhe Ukraina.

Mediat shkruajnë se, zëdhënësi i Kremlinit Dmitry Peskov tha që, Presidenti rus Vladimir Putin, shprehu gatishmërinë për t’u angazhuar në dialog me Macronin për këtë çështje. Pallati Elize u përgjigj pozitivisht duke u shprehur se, është mirëpritur që Kremlini ka rënë dakord publikisht me këtë qasje dhe se do të vendosin në ditët në vijim për mënyrën më të mirë për të vazhduar.

Macron tha në samitin e BE-së javën e kaluar në Bruksel se, do të ishte 'e dobishme' që Evropa t’i drejtohej Putinit për të siguruar që një marrëveshje paqeje në Ukrainë të mos negociohet vetëm nga Shtetet e Bashkuara, Rusia dhe Ukraina. “Mendoj se ne evropianët dhe ukrainasit duhet të gjejmë një kornizë për të filluar një diskutim në formën e duhur”, u tha Macron gazetarëve.

Pallati Elize theksoi se çdo bisedë me Rusinë do të zhvillohej me 'transparencë të plotë' me Presidentin ukrainas Volodymyr Zelenskyy dhe aleatët evropianë. Macron dhe Putin kanë qenë rrallë në kontakt të drejtpërdrejtë që kur Moska nisi pushtimin e saj të plotë të Ukrainës në fillim të vitit 2022. Komunikimi i tyre më i fundit telefonik ishte në korrik, pas rreth tre vitesh pa kontakt./Dosja.al

macron putin lufta ukraine-rusi

Sondazh

Poll

MË SHUMË