Bota

Mister në SHBA! Profesori i MIT-it dhe ekspert i bashkimit bërthamor gjen vdekjen në shtëpinë e tij pas një sulmi të papritur

Loureiro, profesor i shkencës dhe inxhinierisë bërthamore dhe drejtues i Qendrës së MIT për Shkencën e Plazmës dhe Bashkimit që nga viti 2024, vdiq disa orë më vonë në spital, duke lënë pas gruan dhe tre fëmijë të tij.

17 Dhjetor 2025, 22:50 Nga M.L
Mister në SHBA! Profesori i MIT-it dhe ekspert i bashkimit bërthamor
Nuno Gomes Loureiro

SHBA- Hetimi për vdekjen e profesorit të MIT-it, Nuno Gomes Loureiro, 47 vjeç, mbetet i mbuluar me mister pas një sulmi të panjohur në shtëpinë e tij pranë Bostonit të hënën vonë. Loureiro, profesor i shkencës dhe inxhinierisë bërthamore dhe drejtues i Qendrës së MIT për Shkencën e Plazmës dhe Bashkimit që nga viti 2024, vdiq disa orë më vonë në spital, duke lënë pas gruan dhe tre fëmijë të tij.

Policia u thirr në apartament rreth orës 20:30 të mbrëmjes lokale, pas raportimeve për “tre shpërthime të forta” dhe tinguj nga dikush që shkelmonte derën, sipas fqinjëve dhe raportimeve të CBS News. Deri më tani nuk ka asnjë arrestim, dhe hetuesit e trajtojnë rastin si një “hetim aktiv dhe të vazhdueshëm për vrasje”.

Loureiro, i diplomuar në fizikë nga Instituto Superior Técnico në Lisbonë dhe me doktoraturë në fizikë nga Imperial College London, ishte i njohur ndërkombëtarisht për hulumtimet në dinamikën e plazmës së magnetizuar dhe studimin e bashimit bërthamor. Puna e tij synonte përdorimin e energjisë nga bashimi bërthamor si një alternativë e pastër dhe e pakufizuar për të luftuar ndryshimet klimatike.

Vdekja e tij shënon një humbje të madhe për komunitetin shkencor global dhe lë shumë pyetje pa përgjigje rreth rrethanave të sulmit.

nuno gomes loureiro

Sondazh

Poll

MË SHUMË