Sport

Agjenti i Grealish nën hetim edhe në Londër, dyshohet se ka pasur një "skllave seksi"

Jonathan Barnett, ndonëse i ka mohuar akuzat e bëra kundër tij nga Shtetet e Bashkuara, tani është nën hetim në Angli. Ai është nën shqyrtimin e drejtësisë amerikane dhe evropiane…

19 Nëntor 2025, 15:30 Nga DOSJA

Agjenti i Grealish nën hetim edhe në Londër, dyshohet se ka pasur

ANGLI - Policia Metropolitane e Londrës po heton ish-menaxherin e futbollit Jonathan Barnett për abuzim seksual, pasi ai u akuzua në Shtetet e Bashkuara në korrik për përdhunimin e një gruaje 39 herë dhe trajtimin e saj si një "skllave seksi". 

Barnett, dikur një nga agjentët më të fuqishëm në botë dhe arkitekti i transferimit të Gareth Bale nga Tottenham Hotspur te Real Madrid, u akuzua në Kaliforni verën e kaluar, së bashku me agjencinë e tij Creative Artists Agency, për trafikimin e një gruaje nga Australia në Mbretërinë e Bashkuar në vitin 2017 dhe torturimin e mbajtjen e saj me dhunë, si dhe për përdhunimin e saj 39 herë.

Ish-menaxheri, i cili i mohoi akuzat, tani është gjithashtu nën hetim edhe nga autoritetet britanike pasi gruaja, e përmendur në dokumente si "Jane Doe" për të mbrojtur identitetin e saj, ngriti një padi kundër tij në Londër.

Avokatët e Barnett po përpiqen ta rrëzojnë padinë, duke argumentuar se nuk ka pasur asnjë kontakt midis viktimës dhe ish-agjentit në tokën britanike.

Sipas dokumenteve të paraqitura nga avokatët e ish-menaxherit, nga qershori 2017 deri në shtator 2021, kjo grua dhe Barnett ishin të përfshirë në një "marrëdhënie konsensuale dhe personale" dhe se ai i pagoi gruas më shumë se një milion paund në fund të saj.

“Kur marrëdhënia ime me paditësen përfundoi rreth shtatorit 2021, ajo kërcënoi se do ta zbulonte publikisht identitetin e saj, nëse nuk do t’i paguaja shuma të konsiderueshme parash.

Si rezultat i këtyre kërcënimeve, unë e pagova paditësen gjatë disa viteve, duke i paguar në fund mbi një milion paund”, tha Barnett në një deklaratë. Përveç Bale, Barnett ka përfaqësuar lojtarë të tillë si Ashley Cole, Jack Grealish dhe Jordan Pickford.

B.T (Dosja.al)

Sondazh

Poll

MË SHUMË