Sport

Skandali i basteve në Turqi: Shtatë gjyqtarë dhe presidenti i një klubi në pranga!

Numri 1 i Eyüpsporit arrestohet me dyshimin për manipulim të rezultatit të një ndeshjeje

10 Nëntor 2025, 19:23 Nga DOSJA

Skandali i basteve në Turqi: Shtatë gjyqtarë dhe presidenti i

TURQI - Tetë persona janë arrestuar si pjesë e hetimit ndaj gjyqtarëve profesionistë të përfshirë në një rrjet bastesh për ndeshjet e ligës turke të futbollit. Prokuroria e Stambollit konfirmoi arrestimin e presidentit të klubit Eyupspor, Murat Ozkaya, dhe shtatë gjyqtarëve të ndeshjeve.

Federata Turke e Futbollit publikoi gjithashtu emrat e 1.024 lojtarëve që dyshohet se kanë vënë baste, 27 prej të cilëve luajnë në divizionin e parë. Të gjithë janë raportuar në Prokurorinë Publike. 

Disa javë më parë, presidenti i Federatës së Futbollit të Stambollit, Ibrahim Haciosmanoglu, zbuloi në një konferencë për shtyp gjetjet shqetësuese të hetimit të Prokurorisë së Stambollit, duke deklaruar se 371 nga 571 gjyqtarët aktivë në ligat profesionale të vendit kishin llogari me kompanitë e basteve dhe 152 prej tyre vinin baste rregullisht.

Midis tyre ishin shtatë gjyqtarë të nivelit të lartë. Haciosmanoglu pretendoi gjithashtu se 10 gjyqtarë kishin vendosur baste në mbi 10.000 ndeshje secili gjatë një periudhe pesëvjeçare, ndërsa disa kishin vendosur vetëm nga një bast. Një gjyqtar dyshohet se vuri bast në një shifër marramendëse prej 18.227 ndeshjesh.

Federata tha të premten se kishte vendosur të vendoste sanksione që varionin nga tetë deri në 12 muaj për 149 gjyqtarët dhe asistentët e përfshirë, ndërsa hetimet janë duke vazhduar kundër tre të tjerëve.

B.T (Dosja.al)

Sondazh

Poll

MË SHUMË