Sport

VIDEO/ Flamurtari i Morieros arrin fitoren e dytë, Bylisi ishte "viktima" e radhës!...

Kështu, kuqezinjtë “zhysin” Tiranën në vendin e fundit dhe ngjiten në të 9-tin, me 8 pikë. Në krahun tjetër, me 12 pikë të grumbulluara, Bylis mban vendin e 6-të në tabelë.

7 Nëntor 2025, 20:09 Nga DOSJA

VIDEO/ Flamurtari i Morieros arrin fitoren e dytë, Bylisi ishte

VLORE - Flamurtari ka arritur të marrë tri pikët përballë Bylisit me një fitore 1-0 në javën e 11-të të “Abissnet Superiores”.

Në pjesën e parë skuadra vlonjate u shfaq më kërkuese dhe mund të kishte shënuar pas gjysmë ore lojë, por Oshafi e më pas Murataj u treguan të pasaktë në tentativën e tyre. Nga ana e tyre ballshiotët menduan më shumë për fazën mbrojtëse, bënë shumë pak për të shqetësuar seriozisht portën vlonjate.

Në pjesën e dytë, pas disa minutash të qeta, Flamurtari arrin të gjejë rrugën e rrjetës. Pas goditjes së Trashit që u ndal nga shtylla dhe pas rrëmujës së krijuar në zonën ballshiote, Maksuti në minutën e 63-të përfiton dhe godet saktësisht, 1-0.


Reagimi i Bylisit është i vakët, ndërsa vlonjatët i afrohen golit të dytë me anë të Markut, por traversa i ka ardhur në ndihmë portierit Vashu.

Sfida mbyllet me fitoren 1-0 të vlonjatëve. Një fitore shprese që i ngjit në kuotën e 8 pikëve, në vendin e 9-të. Bylisi mbetet në kuotën e 12 pikëve në vend ë 6-të.

B.T (Dosja.al)

Sondazh

Poll

MË SHUMË