Sport

Tottenham zbulon emrin e lojtarit të kërcënuar me armë në rrugët e Londrës…

Ngjarjet dyshohet se ndodhën më 6 shtator nga një agjent futbolli.

5 Nëntor 2025, 19:00 Nga DOSJA

Tottenham zbulon emrin e lojtarit të kërcënuar me armë

Destiny Udogie (22), një nga yjet e Tottenhamit

ANGLI - Tottenham Hotspur konfirmoi se lojtari i tyre Destiny Udogie dyshohet se është kërcënuar me armë nga një agjent futbolli më 6 shtator në Londër dhe ka shprehur mbështetjen e plotë për mbrojtësin italian dhe familjen e tij.

“Klubi i ka ofruar mbështetje Destiny-t dhe familjes së tij që nga incidenti dhe do të vazhdojë ta bëjë këtë. Meqenëse kjo është një çështje ligjore në vazhdim , nuk mund të komentojmë më tej”, tha klubi anglez në një deklaratë.

Të hënën, BBC raportoi se një lojtar i Premier Ligës kishte qenë viktimë e një përpjekjeje për shantazh dhe kërcënimesh me armë zjarri. Sipas burimeve të policisë, askush nuk u lëndua gjatë incidentit, megjithëse një person tjetër thuhet se u shantazhua dhe u kërcënua gjithashtu nga i njëjti individ.

Udogie, 22 vjeç, iu bashkua Tottenhamit nga Udinese në vitin 2022 për 15 milionë £ (17 milionë euro) dhe u rikthye në klubin italian në formë huazimi përpara se t'i bashkohej Spurs përgjithmonë në vitin 2023. Që atëherë, ai ka bërë 76 paraqitje për skuadrën angleze dhe ka luajtur 12 ndeshje për ekipin kombëtar italian.

B.T (Dosja.al)