Sport

Mbappé do të marrë “Këpucën e Artë”, në një ceremoni në Santiago Bernabeu…

Fituesi i “Këpucës së Artë” Evropiane për sezonin 2024-2025, Kylian Mbappé do ta marrë çmimin të premten në një ceremoni të mbajtur në stadiumin Santiago Bernabéu. Kjo do të jetë hera e parë që francezi do të marrë këtë trofe.

29 Tetor 2025, 17:00 Nga DOSJA

Mbappé do të marrë “Këpucën e Artë”,

SPANJE - “Këpuca e Artë” Evropiane e sezonit 2024-2025 do t'i jepet fituesit të saj, Kylian Mbappé, të premten. Sipas Marca-s, sulmuesi i Real Madridit do të nderohet në një ceremoni të mbajtur këtë të premte në stadiumin Santiago Bernabéu.

Kjo është hera e parë që francezi 26-vjeçar do ta marrë këtë çmim, pasi ka përfunduar i dyti në renditje në sezonet 2018-2019 dhe 2021-2022, dhe i treti në sezonin 2022-2023.

Mbappé e përfundoi sezonin e kaluar me 31 gola dhe kryeson renditjen e “Këpucës së Artë” Evropiane përpara Viktor Gyökeres, pavarësisht se Gyökeres shënoi më shumë gola për Sporting (39) dhe fitoi “Trofeun Gerd Müller”.

Sulmuesi francez përfiton nga sistemi i pikëve i zbatuar në vitin 1996 për këtë çmim: 2 pikë për një gol në një ligë "Big 5" (Gjermani, Angli, Spanjë, Francë, Itali) dhe vetëm 1.5 në të ashtuquajturat liga të ndërmjetme. Kështu, Mbappé grumbulloi 62 pikë, dhe Gyökeres 58.5.

Lojtari i dytë francez që fiton “Këpucën e Artë” Evropiane

Mbappé do të bëhet kështu lojtari i dytë francez që fiton këtë trofe. Përpara tij, vetëm Thierry Henry e kishte fituar atë, dhe dy herë: në vitet 2003-2004 dhe më pas në vitet 2004-2005 (fitues i përbashkët me Diego Forlan), të dyja herë ndërsa luante për Arsenalin.

B.T (Dosja.al)

 

Sondazh

Poll

MË SHUMË