Aktualitet

Ndalimi në Rinas i predikuesit të njohur islamik, Lala: Rezultoi me kartelë të kuqe, anti-terrori kishte informacion...

Sipas gazetares Klodiana Lala, e ftuar në emisionin “Të Paekspozuarit” në MCN TV, Hosein ka rezultuar në sistem me “kartelë të kuqe”, çka nënkupton se ai konsiderohet person me rrezik për sigurinë kombëtare.

23 Tetor 2025, 21:57 Nga M.L
Ndalimi në Rinas i predikuesit të njohur islamik, Lala: Rezultoi me
Foto ilustruese

TIRANA- Ditën e sotme, në aeroportin e Rinasit, është ndaluar predikuesi fetar Imran Hosein, të cilit nuk i është lejuar hyrja në territorin shqiptar. Sipas gazetares Klodiana Lala, e ftuar në emisionin “Të Paekspozuarit” në MCN TV, Hosein ka rezultuar në sistem me “kartelë të kuqe”, çka nënkupton se ai konsiderohet person me rrezik për sigurinë kombëtare.

Gazetarja shtoi se autoritetet shqiptare kanë vendosur rikthimin e tij në Serbi, nga ku kishte mbërritur, ndërsa po verifikohen të dhënat që çuan në ndalimin e tij.

"Në momentin që ka zbritur në tokën shqiptare, ka rezultuar në sistem që ka kartelë të kuqe dhe është i padëshiruar, pasi klasifikohet në ato vepra, nxitja e urrejtjes e me rradhë, që kanë të bëjnë me terrorizmin. Në këtë aspekt, procedura parashikon, që personi që nuk është i dëshiruar, qëndron në zonën neutrale, tranzit.

Linja ajrore, është e detyruar që ta kthejë mbrapsht në momentin më të parë, pra në Beograd. Shteti shqiptar nuk e ka të dëshiruar të hyjë, i kërkon kompanisë ta kthejë mbrapsht. Zotëria është i moshuar dhe po presin që me fluturimin e parë ta kthejnë. Në momentin që flasim është aty. Se çfarë përmban dosja, këtë nuk jam në gjendje ta them, por dyshohet për vepra që kanë lidhje me terrorizmit. Pastaj janë çështje të anti-terrorit", deklaroi Lala. 

Sondazh

Poll

MË SHUMË