Sport

Anulohet Villarreal-Barcelona në Miami, presidenti Tebas është kundër: "Një mundësi e humbur për futbollin spanjol"…

Vendimi i pabesueshëm i La Ligas! Javier Tebas gjëmon…

22 Tetor 2025, 17:30 Nga DOSJA

Anulohet Villarreal-Barcelona në Miami, presidenti Tebas është

SPANJE - La Liga bën një kthesë të bujshme: ndeshja midis Villarrealit dhe Barcelonës, fillimisht e planifikuar për 20 dhjetor në Miami, nuk do të luhet në Shtetet e Bashkuara.

Vendimi për ta zhvendosur ndeshjen jashtë vendit u njoftua vetëm pak javë më parë, duke ndjekur shembullin e Serie A, e cila do ta çojë ndeshjen Milan-Como në Perth. Megjithatë, polemika e fortë që shpërtheu midis tifozëve dhe lojtarëve e detyroi ligën spanjole të rishqyrtojë planet e saj.

Lojtarët, në veçanti, e demonstruan mospajtimin e tyre me një protestë simbolike: në të gjitha ndeshjet e raundit të fundit, ata mbetën të palëvizshëm për 15 sekondat e para të lojës.

I përballur me këtë protestë, presidenti i La Ligës, Javier Tebas, njoftoi anulimin e udhëtimit në Amerikë dhe ndau mendimet e tij mbi këtë çështje në një postim të gjatë dhe polemik në profilin e tij X. Ja fjalët e tij:

"Një mundësi e humbur për futbollin spanjol. Sot, futbolli spanjol ka humbur mundësinë për të përparuar, për t'u projektuar në botë dhe për të forcuar të ardhmen e tij.

Mbrojtja e "traditës" thirret nga një perspektivë e ngushtë dhe provinciale, ndërsa traditat e vërteta të futbollit evropian kërcënohen nga vendimet e institucioneve qeveritare që vit pas viti shkatërrojnë ligat kombëtare, forcën e vërtetë lëvizëse të industrisë evropiane të futbollit, për shkak të naivitetit dhe pasivitetit të udhëheqësve evropianë që nuk arrijnë të dallojnë banalen nga thelbësorja," tha Tebas.

B.T (Dosja.al)

Sondazh

Poll

MË SHUMË