Sport

Lamine Yamal viktimë e një dëmtimi të përsëritur, nuk do të jetë pjesë e Spanjës…

Lamine Yamal, i cili pësoi një tjetër dëmtim pubik pas përballjes me PSG-në në Ligën e Kampionëve të mërkurën (1-2), do të mungojë për dy deri në tre javë. Ai do të mungojë për ndeshjen e Barcelonës kundër Sevilla FC të dielën, si dhe për dy ndeshjet e ardhshme të Spanjës.

4 Tetor 2025, 11:30 Nga DOSJA

Lamine Yamal viktimë e një dëmtimi të përsëritur,

SPANJE - I rikthyer të mërkurën në mbrëmje kundër Paris-Saint-Germain në Ligën e Kampionëve (1-2), pas mungesës që nga 31 gushti, Lamine Yamal do të duhet të mungojë përsëri. Anësori i ri (18 vjeç) kishte humbur katër ndeshje, midis 14 dhe 25 shtatorit, për shkak të një dëmtimi në pubik.

"Dhimbja që e shqetësonte lojtarin u rishfaq pas ndeshjes kundër PSG-së," njoftoi FC Barcelona të premten. "Ai do të humbasë ndeshjen kundër Sevillas (të dielën) dhe rikuperimi i tij vlerësohet në dy deri në tre javë."

Kthim për El Clasicon?

I përzgjedhur nga Luis de la Fuente për ndeshjet e ardhshme ndërkombëtare, spanjoli (23 ndeshje, 6 gola) do të jetë jashtë dy ndeshjeve kualifikuese të La Roja për Kupën e Botës 2026, kundër Gjeorgjisë më 11 tetor dhe kundër Bullgarisë më 14.

Një rikthim i Lamine Yamal mund të parashikohet kundër Gironas në La Liga më 18 tetor, kundër Olympiakos në Ligën e Kampionëve më 21 tetor, ose sipas parashikimeve më pesimiste, në fushën e Real Madridit më 26 për El Clasicon e parë të sezonit.

B.T (Dosja.al)

Sondazh

Poll

MË SHUMË