Bota

Rubio dhe kryeministri izraelit vizitojnë “Murin e Lotëve” në Jerusalem/ Netanyahu: Aleanca SHBA-Izrael nuk ka qenë kurrë më e fortë

Tre zyrtarët ndoqën traditën e vendosjes së shënimeve në çarjet e “Murit të lotëve” dhe më pas morën pjesë në një lutje të udhëhequr nga Mordechai Shuli Eliav, CEO i Fondacionit të Trashëgimisë së Murit Perëndimor.

14 Shtator 2025, 16:51 Nga E. D
Rubio dhe kryeministri izraelit vizitojnë “Murin e Lotëve”
Benjamin Netanyahu dhe Marco Rubio

IZRAEL- Sekretari i Shtetit i SHBA-së, Marco Rubio, së bashku me kryeministrin izraelit Benjamin Netanyahu dhe ambasadorin amerikan, Mike Huckabee, vizituan sot Murin Perëndimor në Qytetin e Vjetër të Jerusalemit, ndalesa e tij e parë zyrtare gjatë vizitës së tij në Izrael.

Tre zyrtarët ndoqën traditën e vendosjes së shënimeve në çarjet e “Murit të lotëve” dhe më pas morën pjesë në një lutje të udhëhequr nga Mordechai Shuli Eliav, CEO i Fondacionit të Trashëgimisë së Murit Perëndimor. Shuli Eliav më pas i bëri delegacionit një turne të tuneleve nëntokësore të Murit, të cilat shtrihen poshtë Lagjes Myslimane të Qytetit të Vjetër. Pas turit, Netanyahu e përshkroi aleancën SHBA-Izrael si “aq të qëndrueshme sa gurët e Murit që prekëm”.

“Unë besoj se vizita [e Rubios] këtu është një dëshmi e qëndrueshmërisë dhe forcës së aleancës izraelito-amerikane, e cila është po aq e fortë dhe elastike sa gurët e Murit”, tha kryeministri izraelit.

Netanyahu vazhdoi, duke shtuar: “Nën Presidentin Trump dhe Sekretarin Rubio, kjo aleancë nuk ka qenë kurrë më e fortë dhe ne e vlerësojmë thellësisht këtë.”

Të dy zyrtarët shtrënguan duart dhe u larguan pa bërë deklarata për shtypin. Rubio nuk bëri komente, ndërsa asnjëra palë nuk iu përgjigj pyetjeve të gazetarëve.

marco rubio benjamin netanyahu

Sondazh

Poll

MË SHUMË