Bota

Shkarkimi i Bayrou nga detyra/ Macron emëron Sebastien Lecornu kryeministër të ri

Pasardhësi i Bayrou-t përballet me detyrën e vështirë të miratimit të buxhetit nga parlamenti, ku qeveria deri më tani nuk ka pasur shumicën.

9 Shtator 2025, 20:06 Nga E. D
Shkarkimi i Bayrou nga detyra/ Macron emëron Sebastien Lecornu
Sébastien Lecorni

FRANCË- Presidenti francez Emmanuel Macron ka emëruar ministrin e Forcave të Armatosura Sébastien Lecorni si kryeministër, duke zëvendësuar Francois Bayrou që pak më herët paraqiti dorëheqjen. Lecorni bëhet kështu kryeministri i pestë i Francës në më pak se dy vjet.

Pasardhësi i Bayrou-t përballet me detyrën e vështirë të miratimit të buxhetit nga parlamenti, ku qeveria deri më tani nuk ka pasur shumicën. Sébastien Lecornu zëvendëson François Bayrou, i cili humbi mbështetjen parlamentare pas një mocioni mosbesimi që kaloi në Asamblenë Kombëtare.

Duke ia dorëzuar postin Lecornu, Macron rrezikon të tjetërsojë Partinë Socialiste të qendrës së majtë dhe e lë presidentin dhe qeverinë e tij të varen nga Tubimi Kombëtar i ekstremit të djathtë të Marine Le Pen për mbështetje në parlament.

Më herët të hënën, kryeministri në largim François Bayrou paraqiti dorëheqjen e tij, të cilën Macron e pranoi. Ai u detyrua të largohej pas vetëm nëntë muajsh në detyrë, i zhgënjyer nga dështimi i tij për të përmbushur një premtim qendror. Përpara votëbesimit, Bayrou i paralajmëroi ligjvënësit se rrëzimi i tij nuk do t’i zgjidhte problemet e vendit.

“Ju keni fuqinë për të rrëzuar qeverinë, por nuk keni fuqinë për të fshirë realitetin. Realiteti do të mbetet i pamëshirshëm: shpenzimet do të vazhdojnë të rriten dhe barra e borxhit, tashmë e padurueshme, do të bëhet më e rëndë dhe më e kushtueshme," tha ai. 

Lecornu tani përballet me sfidën e dyfishtë, ta nxjerrë Francën nga bataku i saj financiar, ndërkohë që drejton një qeveri të përgatitur për protesta masive. Demonstrata dhe bllokime autostradash në të gjithë vendin janë caktuar për të mërkurën, të pasuara nga një grevë më e gjerë e udhëhequr nga sindikatat më 18 shtator.

emmanuel macron

Sondazh

Poll

MË SHUMË