Bota

Hera e parë që nga fillimi i luftës, Rusia sulmon me dronë ndërtesën qeveritare në Kiev/ Raportohet për viktima dhe të plagosur

Ajo shtoi se zjarrfikësit po vazhdonin përpjekjet për të kontrolluar një zjarr që shpërtheu në ndërtesë.

7 Shtator 2025, 08:26 Nga E. D
Hera e parë që nga fillimi i luftës, Rusia sulmon me dronë
foto ilustruese

UKRAINË- Zyrtarët ukrainas njoftuan se një sulm ajror gjatë natës, ka shkatërruar ndërtesën kryesore të qeverisë ukrainase në Kiev dhe ka shkaktuar vdekjen e tre personave, përfshirë një foshnjë. Kryeministrja ukrainase, Yulia Svirydenko, tha në "X" se për herë të parë që nga fillimi i luftës me pushtimin e territorit nga ushtria ruse në shkurt 2022, selia e qeverisë së vendit është dëmtuar nga sulmi rus. Ajo shtoi se zjarrfikësit po vazhdonin përpjekjet për të kontrolluar një zjarr që shpërtheu në ndërtesë.

“Së pari, ndërtesa e Qeverisë është dëmtuar nga një sulm i armikut — çatia dhe katet e sipërme,” shkroi Kryeministrja e Ukrainës, Yulia Svyrydenko, në aplikacionin Telegram.

Ndërsa një gazetar i AFP raportoi se tymi i dendur ishte ende i dukshëm nga ndërtesa dhe helikopterët po hidhnin ujë për të shuar zjarrin. Forcat ajrore ukrainase njoftuan gjithashtu se gjatë natës forcat e armatosura ruse kishin lëshuar 805 dronë dhe 13 raketa kundër vendeve të ndryshme në vend. Më parë, autoritetet lokale raportuan të paktën tre të vdekur në sulmet në Kiev dhe një tjetër të vdekur në rajonin e Sumy.

Njësitë mbrojtëse ukrainase arritën të rrëzonin 751 prej dronëve dhe katër raketa shifra më e lartë e përdorimit të dronëve në një natë që nga fillimi i luftës. Ndërkohë, Shërbimi Shtetëror i Emergjencave bëri të ditur se 18 persona u plagosën në këtë sulm ajror masiv, që shkaktoi disa zjarre në pjesë të ndryshme të qytetit.

lufta ukraine-rusi

Sondazh

Poll

MË SHUMË