Bota

Putin paralajmëroi se do jenë objektiv legjitim për ushtrinë ruse/ Zelenskyy: Mijëra trupa të huaja mund të vendosen në Ukrainë si pjesë e garancive të sigurisë

Dje, Presidenti francez Emmanuel Macron tha se 26 vende ishin zotuar të ofronin garanci sigurie për Ukrainën pas luftës, duke përfshirë një forcë ushtarake ndërkombëtare në tokë, det dhe ajër. Ai më pas sqaroi se disa nga këto vende do të ofronin garanci jashtë vendit, për shembull duke ndihmuar në trajnimin dhe pajisjen e forcave ukrainase.

5 Shtator 2025, 15:32 Nga E. D
Putin paralajmëroi se do jenë objektiv legjitim për ushtrinë
Volodymyr Zelenskyy

UKRAINË- Presidenti ukrainas Volodymyr Zelenskyy, ka deklaruar një ditë pasi aleatët evropianë të Kievit u takuan në Paris se Ukraina pret që mijëra trupa të huaja të vendosen si pjesë e garancive të sigurisë pas përfundimit të luftës.

"Është e rëndësishme që po diskutojmë të gjitha këto. Po, patjetër që do të jenë mijëra, jo vetëm disa. Dhe ky është një fakt", tha Zelenskyy gjatë një vizite në qytetin perëndimor ukrainas të Uzhhorod.

Dje, Presidenti francez Emmanuel Macron tha se 26 vende ishin zotuar të ofronin garanci sigurie për Ukrainën pas luftës, duke përfshirë një forcë ushtarake ndërkombëtare në tokë, det dhe ajër. Ai më pas sqaroi se disa nga këto vende do të ofronin garanci jashtë vendit, për shembull duke ndihmuar në trajnimin dhe pajisjen e forcave ukrainase.

Megjithatë, Presidenti rus Vladimir Putin ka paralajmëruar se çdo forcë perëndimore në Ukrainë do të jetë një objektiv legjitim për ushtrinë ruse.

“Nëse ndonjë forcë shkel atje, veçanërisht tani kur ka beteja, ne do t’i konsiderojmë ata një objektiv legjitim për ushtrinë ruse," tha Putin në një fjalim në Forumin Ekonomik Lindor në Vladivostok, në Lindjen e Largët.

“Dhe nëse merren vendime për të arritur paqe, një paqe të qëndrueshme, atëherë thjesht nuk shoh asnjë kuptim në praninë e tyre në territorin e Ukrainës, pikë”, theksoi presidenti rus, duke shtuar se askush nuk dyshon se Rusia do të respektojë plotësisht garancitë e ardhshme të sigurisë për Ukrainën.

lufta ukraine-rusi vladimir putin volodymyr zelenskyy

Sondazh

Poll

MË SHUMË