Aktualitet

Përndoqi për 2 muaj 30-vjeçaren dhe e dhunoi në vendin e punës, arrestohet 38-vjeçari në Lushnje

Arrestimi i tij ka ndodhur pas kallëzimit nga 30-vjeçarja e dhunuar. 

17 Gusht 2025, 10:03 Nga N.F
Përndoqi për 2 muaj 30-vjeçaren dhe e dhunoi në vendin e
Foto

LUSHNJE- Një 38-vjeçar është vënë në pranga nga policia në Lushnje. Arrestimi i tij ka ardhur pasi ka përndjekur prej dy muash një 30-vjeçare. Policia bën me dije se i arrestuari ka ushtruar dhunë ndaj 30-vjeçares në vendin e saj të punës.

Ai është identifikuar me inicialet F.A. Arrestimi i tij ka ndodhur pas kallëzimit nga 30-vjeçarja e dhunuar. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme. 

Njoftimi i policisë:

Shërbimet e Komisariatit të Policisë Lushnjë, pas kallëzimit nga një 30-vjeçare se një shtetas i kishte shkaktuar ankth dhe pasiguri, pasi e kishte përndjekur dhe kishte ushtruar dhunë ndaj saj, kanë organizuar menjëherë punën për kapjen dhe arrestimin e këtij shtetasi.   

Si rezultat i veprimeve të shpejta operacionale është kapur dhe ndaluar shtetasi F. A., 38 vjeç, banues në Lushnjë. Ky shtetas, për një periudhë 2 mujore, dyshohet se ka përndjekur 30-vjeçaren si edhe ka ushtruar dhunë fizike ndaj saj në ambientet e subjektit tregtar në të cilën ajo punonte. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.  

dhune perndjekje

Sondazh

Poll

MË SHUMË