Sport

Arne Slot i emocionuar: "Normalisht, në rezultatin 2-2, do të kisha futur në lojë Diogo Jotën"...

Pak minuta pas fitores 4-2 të Liverpoolit në ndeshjen hapëse të sezonit në Premier League ndaj Bournemouth të premten, Arne Slot foli me Sky Sports për boshllëkun e lënë në skuadrën e tij nga vdekja tragjike e Diogo Jotës.

16 Gusht 2025, 17:45 Nga DOSJA

Arne Slot i emocionuar: "Normalisht, në rezultatin 2-2, do të

ANGLI - Emocionet u rritën të premten, ndërsa Premier League rifilloi. Liverpooli mundi Bournemouthin 4-2 në Anfield, në një mbrëmje të shënuar nga homazhe të shumta për Diogo Jotën, i cili ndërroi jetë tragjikisht këtë verë.

Trajneri i Reds, Arne Slot, i cili ishte shumë i emocionuar pas ndeshjes, reflektoi mbi boshllëkun e lënë në skuadrën e tij: "Normalisht, në rezultatin 2-2, e dini se kë do të kisha futur në lojë", i tha ai Sky Sports. "Do të doja të fusja Diogo Jotën, por për arsye të tmerrshme, nuk munda."

"Tifozët dhe lojtarët arritën të bënin atë që ai (Diogo Jota) ka bërë për ne kaq shumë herë në të kaluarën", që ishte të mbushnin ndeshjen dhe ta fitonin atë në fund.

Portugezi, i cili shënoi gjashtë gola dhe dha tre asiste në 14 ndeshje si titullar sezonin e kaluar (mesatarisht 46 minuta për ndeshje), ishte bërë ‘shakaxhiu’ i preferuar i trajnerit holandez në vitin e tij të parë në klub.

I gjithë Anfieldi i bëri homazh kujtimit të sulmuesit të ndjerë në këtë natë shumë të veçantë hapjeje.

B.T (Dosja.al)

Sondazh

Poll

MË SHUMË