Sport

Bruno Fernandes kujton bisedën me presidentin e Al Hilal: "Faleminderit për telefonatën..."

Ndërkombëtari portugez refuzoi një ofertë astronomike nga klubi saudit gjatë verës sepse donte të kishte sukses te Man.United.

14 Gusht 2025, 18:18 Nga DOSJA
Bruno Fernandes kujton bisedën me presidentin e Al Hilal:
Bruno Fernandes është kapiteni i Manchester United

ANGLI - Bruno Fernandes ishte një nga objektivat kryesorë të Al Hilal në afatin kalimtar të verës, por dëshira e lojtarit ndërkombëtar portugez për të qëndruar te Manchester United mbizotëroi.

Në një intervistë me 'The Sydney Morning Herald', mesfushori kujtoi herën e parë që foli me presidentin e klubit saudit, duke shpjeguar arsyet e vendimit të tij.

"E di që numrat janë ato që kanë më shumë rëndësi në futboll. Dhe sigurisht, ishte një çmim i shkëlqyer që klubi do të merrte për mua. E di që ishte e vështirë për Manchester United. Kur fola me presidentin e Al Hilal, i thashë menjëherë: 'Nuk e kam menduar kurrë se do të largohesha nga këtu dhe e vlerësoj thirrjen. Mund të provosh të flasësh me klubin'.

Gjithmonë kam thënë se nëse klubi do të donte të më shiste, atëherë do të duhej të merrja një vendim. Por nëse nuk e bëjnë, as nuk kam pse të marr një vendim. Qëllimi im ka qenë gjithmonë të qëndroj këtu", tha 30-vjeçari.

Ai përfundoi: "Ishin shumë para për mua. Njerëzit duhet të marrin vendime gjatë gjithë jetës së tyre. E di që nuk do të pendohem, sepse jam tashmë aty ku dua të jem. Këtu dua të kem sukses."

Duhet theksuar se propozimi në fjalë përfshinte një kontratë trevjeçare, me lojtarin ndërkombëtar portugez që do të fitonte 77 milionë euro në sezon, për një total prej 238 milionë eurosh. Manchester United, nga ana tjetër, do të merrte 118 milionë euro për transferimin.

B.T (Dosja.al)

Sondazh

Poll

MË SHUMË