Bota

Instituti Kiel për Ekonominë Botërore: Evropa ia ka kaluar SHBA-së, ka dhënë më shumë ndihma ushtarake në Ukrainë

Sipas Institutit, shtetet evropiane tani po sigurojnë pothuajse gjysmën e ndihmës ushtarake që i ofrojnë Ukrainës përmes industrisë së armëve dhe jo nga rezervat e forcave të tyre të armatosura.

12 Gusht 2025, 15:20 Nga N.F
Instituti Kiel për Ekonominë Botërore: Evropa ia ka kaluar
Foto

EVROPË- Sipas një studimi nga Instituti Kiel për Ekonominë Botërore, IfW Evropa i ka dhënë Ukrainës më shumë ndihmë ushtarake përmes industrisë së mbrojtjes sesa Shtetet e Bashkuara. Bazuar në të dhënat nga "Ukraine Support Tracker", që nga fillimi i sulmit rus ndaj Ukrainës deri në fund të qershorit 2025, shtetet evropiane blenë pajisje të reja ushtarake me vlerë mbi 35.1 miliardë euro përmes kontratave.

Sipas studimit vendet evropiane kanë shpenzuar 4.4 miliardë më shumë se vlera totale e sistemeve të armëve të blera në të njëjtën mënyrë nga SHBA-të gjatë së njëjtës periudhë. Sipas Institutit, shtetet evropiane tani po sigurojnë pothuajse gjysmën e ndihmës ushtarake që i ofrojnë Ukrainës përmes industrisë së armëve dhe jo nga rezervat e forcave të tyre të armatosura.

Nga 10.5 miliardë euro të ndihmës ushtarake evropiane të ndara në maj dhe qershor të këtij viti, të paktën 4.6 miliardë pritet të përfundojnë në porosi për kompanitë e armëve, një shumë që korrespondon me një pjesë prej 43.8% të të gjithë ndihmës ushtarake për Ukrainën.

lufta ukraine-rusi shba

Sondazh

Poll

MË SHUMË