Politike

Policia rrethoi News24/ Salianji: Sulm i drejtpërdrejtë ndaj të drejtës së çdo shqiptari për t’u informuar

Sipas Salianjit, ky akt është shenja më e qartë e instalimit të një regjimi diktatorial që e sheh fjalën e lirë si armik.

9 Gusht 2025, 11:10 Nga M.B
Policia rrethoi News24/ Salianji: Sulm i drejtpërdrejtë ndaj të
Ervin Salianji

TIRANA- Ish-deputeti i Partisë Demokratike Ervin Salianji, ka reaguar lidhur me ngjarjen ku Policia ka bllokuar zyrat e mediave News24, Panorama dhe Gazeta Shqiptare. Në reagim thuhet se ky është një akt i kryer si tinëzisht, me nxitim e pa pritur shqyrtimin gjyqësor të rastit e më tepër në ditë pushimi për të shmangur reagimin publik.

Sipas Salianjit, ky akt është shenja më e qartë e instalimit të një regjimi diktatorial që e sheh fjalën e lirë si armik. Ai shton se ky është një akt brutal censure, frikësimi dhe shantazhi dhe është vula e një regjimi që nuk ka më asnjë lidhje me demokracinë dhe po shfaqet hapur si diktaturë. Ai thotë se kjo që ndodhi është sulm i drejtpërdrejtë ndaj të drejtës së çdo shqiptari për t’u informuar.

Reagimi i Salianjit:

Sot, regjimi po kryen një akt të paprecedentë censure dhe frikësimi, duke nxjerrë me forcë dhe duke ndaluar gazetarët e News24, Balkanwb, Panorama, Gazeta Shqiptare të shkojnë në vendin e tyre të punës dhe duke mbyllur sinjalin e prerë energjinë elektrike. Ky veprim, i kryer si tinëzisht, me nxitim e pa pritur shqyrtimin gjyqësor të rastit e më tepër në ditë pushimi për të shmangur reagimin publik, është shenja më e qartë e instalimit të një regjimi diktatorial që e sheh fjalën e lirë si armik. Ky është një akt brutal censure, frikësimi dhe shantazhi. Është vula e një regjimi që nuk ka më asnjë lidhje me demokracinë dhe po shfaqet hapur si diktaturë.

Kjo nuk është thjesht një përplasje me median — është një sulm i drejtpërdrejtë ndaj të drejtës së çdo shqiptari për t’u informuar. Regjimi tenton të kontrollojë çdo aspekt të jetës së qytetarëve!

Liria e medias është themel i çdo demokracie. Sulmi ndaj saj është sulm ndaj vetë qytetarëve dhe së drejtës së tyre për t’u informuar. Kjo nuk është vetëm një çështje e brendshme shqiptare, por një alarm për çdo partner ndërkombëtar që beson tek demokracia, sundimi i ligjit dhe të drejtat e njeriut.

Sot duhet reagim i menjëhershëm nga organizatat ndërkombëtare të medias, institucionet ndërkombëtare dhe të gjitha qeveritë mike të Shqipërisë për të ndaluar këtë dhunë brutale ndaj lirisë së medias!!




 

ervin salianji

Sondazh

Poll

MË SHUMË