Aktualitet

Protesta për lirimin e ish-krerëve të UÇK-së/ Qytetarët të ashpër me Specialen: Raciste, çlirimtarët po mbahen në Hagë me dirigjime nga Serbia

Qytetarët janë shpreheur se e konsiderojnë Gjykatën Speciale si raciste. Gjithashtu në pamje shihen qytetarët që mbajnë në duar flamuj kombëtarë dhe pankarta të ndryshme në përkrahje të ish krerëve të UÇK-së që po gjykohen në Hagë.

7 Gusht 2025, 17:07 Nga E. D
Protesta për lirimin e ish-krerëve të UÇK-së/
pamje nga protesta

KOSOVË- Qytetarë të shumtë janë mbledhur pasditen e sotme në sheshin “Skënderbeu” në Prishtinë, në protestën e thirrur nga organizatat e dala nga lufta, në mbrojtje të vlerave të Ushtrisë Çlirimtare të Kosovës.

Qytetarët janë shpreheur se e konsiderojnë Gjykatën Speciale si raciste dhe çlirimtarët po mbahen në Hagë me dirigjime nga Serbia. Gjithashtu në pamje shihen qytetarët që mbajnë në duar flamuj kombëtarë dhe pankarta të ndryshme në përkrahje të ish-krerëve të UÇK-së që po gjykohen në Hagë.

Isat Gashi, i cili kishte ardhur nga Klina për të protestuar, tha se ish presidenti Hashim Thaçi dhe të tjerët po mbahen padrejtësisht në paraburgim dhe me dirigjime nga Serbia.

“Jemi mbledhur sot për çlirimin e çlirimtarëve tanë që mbahen padrejtësisht në Hagë…Mendojmë se do të ketë rezultat për lirimin e djemve tanë, heronj të gjallë…Gjykata Speciale është raciste dhe po mban padrejtë në Hagë çlirimtarët me dirigjimet e Serbisë”, tha ai.

Prezentë në protestë janë edhe përfaqësues politik të partive politike të ndryshme. Gjithashtu në protestë merr pjesë edhe bashkëshortja e Jakup Krasniqit. Ajo u shpreh se pret lirimin e bashkëshortit të saj, por edhe të ish krerëve të tjerë të UÇK.

“Jam shumë e emocionuar, gjykata duhet të ketë parasysh, jo gjykim dënues. Në emër të popullit duhet gjykim lirues. Mirë është me shëndet. Presim ne të rikthehen ata, si të lirë. Po, edhe më herët edhe të vazhdojmë deri në gjykimin përfundimtar”, theksoi ajo

protetsa per mbrojtjen e ushtrise clirimtare te kosoves

Sondazh

Poll

MË SHUMË