Sport

Braziliani "Messinho", tani është një blu…

Talenti braziliani i bashkohet Chelseat

6 Gusht 2025, 13:00 Nga DOSJA

Braziliani "Messinho", tani është një blu…

ANGLI - Disa muaj (14, për të qenë të saktë) pasi u njoftua nënshkrimi i tij, dhe me shumë bujë rreth performancave të tij me Palmeiras, Estevao, apo siç i thërrasin "Messinho", më në fund shfaqet si një lojtar i ri i Chelseat. 

"Messinho", mezi 18 vjeç, i bashkohet fituesit të Kupës së Botës për Klube dhe ekipit të ardhshëm të Ligës së Kampionëve për 34 milionë euro.

"Jam shumë i lumtur. Është një kënaqësi e madhe të përfaqësoj Chelsean, një nga klubet më të mëdha në botë", deklaroi Estevao në ditën e tij të parë në Londër. Ai duhej të priste derisa të mbushte 18 vjeç për të nënshkruar me Blues.

Estevao i bashkohet Chelseat me një përvojë të gjerë në futbollin profesionist. Ai bëri 83 paraqitje për ekipin e parë të Palmeiras në Brasileirao-n gjithnjë e më konkurrues... dhe gjithashtu luajti pesë ndeshje për Brazilin në kualifikueset e Amerikës së Jugut për Kupën e Botës 2026.

"Më është dashur të pres pothuajse një vit e gjysmë për të arritur këtu. Por ka qenë një vit e gjysmë në të cilin kam punuar shumë dhe kam dhënë gjithçka për të arritur në formën më të mirë të mundshme", shtoi "Messinho".

B.T (Dosja.al)

Sondazh

Poll

MË SHUMË