Sport

E vërteta e Gary Linekerit, ose historia e një lamtumire të detyruar... Ish-ylli i BBC-së zbulon sfondin e shkarkimit të tij

Ish-futbollisti legjendë, Gary Lineker dhe ajo histori, së bashku me krahasimin, që shkaktoi shumë polemika. Ja historia…

29 Korrik 2025, 19:30 Nga DOSJA

E vërteta e Gary Linekerit, ose historia e një lamtumire të

ANGLI - Jo një lamtumirë konsensuale, por një shkarkim i plotë. Gary Lineker thyen heshtjen dhe, për herë të parë, zbulon të vërtetën rreth fundit të marrëdhënies së tij me BBC-në.

Në një zbulim sensacional, ish-legjenda e futbollit anglez konfirmoi se vendimi për t'i dhënë fund kontratës së tij historike si prezantues i "Match of the Day" para kohe nuk ishte i tiji, por iu imponua nga drejtuesit e transmetuesit britanik. Një vendim drastik, erdhi në kulmin e një polemike rreth një postimi antisemit, që Lineker ndau në rrjetet e tij sociale.

Kjo ndarje, siç theksohet nga media britanike, është kulmi i një marrëdhënieje që është bërë gjithnjë e më e tensionuar me kalimin e viteve. Incidenti i antisemitizmit është vetëm i fundit, në një seri precedentësh që e kanë parë Linekerin të përplaset me rregullat strikte të paanshmërisë së BBC-së.

Incidenti i profilit më të lartë daton në mars të vitit 2023, kur ai u pezullua për një kohë të shkurtër për krahasimin e gjuhës së qeverisë britanike mbi politikën e imigracionit me atë të Gjermanisë naziste në vitet 1930.

Një episod që shkaktoi një stuhi të madhe politike dhe mediatike, duke nxjerrë në pah vështirësinë e pajtueshmërisë së rolit të tij si komentator sportiv për një transmetues publik me lirinë e tij të shprehjes si një komentator politik me ndikim.

Pavarësisht përpjekjeve për të zgjidhur përçarjen, ky incident i fundit ishte pika e fundit, duke e shtyrë BBC-në të merrte një vendim drastik dhe historik: të ndahej nga personi që kishte mishëruar futbollin në televizion për dekada të tëra.

Një epokë ka mbaruar në mënyrën më të hidhur, me BBC-në që tashmë e ka kthyer faqen, duke ia besuar programin e saj kryesor një ikone tjetër të futbollit anglez, Wayne Rooney-t.

B.T (Dosja.al)

Sondazh

Poll

MË SHUMË