Sport

Jose Mourinho: “Nga njëra anë jemi gati, por nga ana tjetër, nuk jemi ende gati"...

Trajneri i Fenerbahçes tashmë po mendon për raundin kualifikues të Ligës së Kampionëve

28 Korrik 2025, 13:00 Nga DOSJA

Jose Mourinho: “Nga njëra anë jemi gati, por nga ana

TURQI - Kupa Eusébio shënoi fundin e kampit stërvitor 14-ditor të Fenerbahçes në Portugali, dhe José Mourinho shprehu kënaqësi me punën e bërë, por në të njëjtën kohë ishte i pakënaqur me vonesën e përforcimeve. Ekipi përballet me Feyenoordin më 5 gusht në raundin e tretë kualifikues të Ligës së Kampionëve.

"Nga njëra anë, jemi gati, por nga ana tjetër, nuk jemi. Pse jemi gati? Sepse kemi punuar shumë mirë me grupin këtu në Portugali. Pse nuk jemi gati? Na duhet më shumë. Ndeshja kundër Feyenoord është vetëm 10 ditë larg dhe ne mund ta shohim vërtet rëndësinë e të luajturit në këtë nivel dhe llojin e imazhit që krijon", tha trajneri pas ndeshjes në Luz, siç citohet nga shtypi turk.

Mourinho dëshiron të sigurojë përforcime sa më shpejt të jetë e mundur. "Situata e ekipit është e qartë dhe presidenti (Ali Koç) ndoshta ndan të njëjtin mendim me mua në këtë pikë. Ai gjithashtu e kupton se çfarë dua unë si trajner. Kur shohim ndeshjen e sotme (të djeshme), të gjithë e kuptojnë se çfarë mungon..." tha ai.

"Lojtarët që erdhën e dinë filozofinë, por nëse duam të luajmë në një nivel të lartë, na duhet më shumë. Duhet ta marrim ndeshjen seriozisht. Fatkeqësisht, nuk mund të marr vendimin përfundimtar; klubi duhet të marrë vendimin përfundimtar."

Trajneri pranoi se Benfica është një ekip shumë më i mirë se Feyenoord. "Duke parë atmosferën sot (dje, kundër Benfica), ishte më intensive. Mendoj se bëmë një punë të mirë si ekip. Ne performuam mirë në momente të caktuara të ndeshjes. Nëse më pyetni për pjesën e parë, nuk mendoj se luajtëm mirë.

Ne treguam më shumë dominim në pjesën e dytë. Lidhur me golin e tretë, duhet ta them këtë shumë qartë: nuk punuam në goditjet standarde gjatë kampit stërvitor. E lamë atë për javën e fundit. U përqendruam më shumë në punën sulmuese dhe mbrojtëse. Kjo është arsyeja pse goli i tretë që pësuam nuk më shqetëson."

B.T (Dosja.al)