Politike

Mbledhja e Këshillit Bashkiak të Tiranës/ Berisha: Të bëhet në prani të mediave, ftoj edhe qytetarët ta ndjekin atë

Mbledhja do të mbahet nesër dhe Berisha ka bërë thirrje që ajo të zhvillohet në prani të medias në përputhje me ligjin.

23 Korrik 2025, 13:31 Nga N.F
Mbledhja e Këshillit Bashkiak të Tiranës/ Berisha: Të
Berisha

TIRANË- Kreu i Partisë Demokratike, Sali Berisha gjatë fjalës së tij në konferëncë për mediat ka folur në lidhje me mbledhjen e Këshillit Bashkiak të Tiranës. Mbledhja do të mbahet nesër dhe Berisha ka bërë thirrje që ajo të zhvillohet në prani të medias në përputhje me ligjin. Ai shtoi se qytetarët duhet ta ndjekin mbledhjen.

"Së fundmi, nesër është një mbledhje e këshillit bashkiak të Tiranës. Ftoj këshilltarët e opozitës të bëjnë një betejë në sallë të vendosur që kjo mbledhje të zhvillohet në përputhje me ligjin, çka do të thotë në prani të medieve dhe jo si një shpellë mafieje, në të cilën Edi Rama dhe Lubi Balluku sillen si padrino të bashkisë së kryeqytetit. Ndaj dhe ftoj qytetarët e Tiranës të ndjekin mbledhjen e këshillit bashkiak," tha ai.

Berisha u shpreh se ka informacion se mbledhjen duan ta bëjne me dyer të mbyllura si mafia. Ai theksoi se sipas ligjit është e detyruar që mbledhja të mbahet e hapur për mediat.

"Në një kohë kur ligji dhe rregullorja e këshillit. Është parlament, Këshilli Bashkiak i Tiranës është parlamenti i qytetarëve të Tiranës.

Ligji dhe rregullorja përcakton në mënyrë të qartë se ato janë të hapura për mediat.
E detyrueshme. Nuk mund të ketë mbledhje të mbyllur," tha ai.

berisha

Sondazh

Poll

MË SHUMË