Sport

Braziliani Ederson pranon ofertën e Galatasaray-t…

Portieri brazilian ka arritur tashmë një marrëveshje me turqit dhe Manchester City po përgatitet të gjejë një zëvendësues.

20 Korrik 2025, 13:30 Nga DOSJA

Braziliani Ederson pranon ofertën e Galatasaray-t…

ANGLI - I përballur me mundësinë që Ter Stegen t’i nënshtrohej një tjetër operacioni, Galatasaray iu drejtua një emri të madh për portën e tyre, brazilianit Ederson, duke i ofruar atij një pagë prej 6 milionë eurosh, plus bonuse.

Klubi turk ka bërë një ofertë për Ederson, i cili ka një kontratë me Manchester City deri në vitin 2026. Sipas shtypit turk, portieri brazilian e ka pranuar ofertën nga kampioni tre herë i Turqisë, por ende nuk është arritur një marrëveshje me Manchester Cityn, i cili mori një ofertë prej vetëm tre milionë eurosh, kështu që çmimi mund të rritet akoma.

Gjithsesi, skuadra e Pep Guardiolës tashmë po përgatitet të gjejë një zëvendësim për gardianin 31-vjeçar dhe kjo mund të nënkuptojë një rikthim, atë të James Trafford, i cili luajti vetëm 16 ndeshje në Championship sezonin e kaluar dhe e udhëhoqi Burnleyn përsëri në Premier League, pasi u shit nga ‘Qytetarët’ për 17.3 milionë euro, në verën e vitit 2023.

Ederson mbërriti në Manchester në vitin 2017 nga Benfica për 40 milionë euro dhe ende ka një kontratë njëvjeçare, por ky mund të jetë fundi i një cikli. Sezonin e kaluar, ai ndau portën me Ortegën, duke pësuar 54 gola në 40 ndeshje dhe duke mbajtur katrorin të paprekur në 13 ndeshje.

B.T (Dosja.al)

Sondazh

Poll

MË SHUMË