Bota

“Agjentja Trumpenko”! "Shpërthejnë" mediat ukrainase me meme, ironi dhe dashuri ndaj Melania Trump pasi ndikoi te burri i saj kundër Putin (FOTO)

Pasi Trump deklaroi se gruaja e tij e kishte shtyrë të rivlerësonte Vladimir Putinin, mediat sociale ukrainase filluan ta festonin me entuziazëm, me meme ironike dhe gjeste dashurie.

15 Korrik 2025, 18:07 Nga E. D
“Agjentja Trumpenko”! "Shpërthejnë" mediat
Donald Trump dhe Melania Trump

UKRAINË- Melania Trump ka bërë bujë në rrjet, pasi ajo e bindi Donald Trump se Vladimir Putin i ka shkelur vazhdimisht premtimet e tij në lidhje me një marrëveshje të mundshme paqeje me Ukrainën. Pasi Trump deklaroi se gruaja e tij e kishte shtyrë të rivlerësonte Vladimir Putinin, mediat sociale ukrainase filluan ta festonin me entuziazëm, me meme ironike dhe gjeste dashurie.

Një nga revistat e ka përshkruar Melanian si “Agjentja Trumpenko”, emblema e një rrëfimi të ri të papritur midis Shtëpisë së Bardhë dhe Kievit.

“Melania më hapi sytë”

Gjatë takimit të tij me Sekretarin e Përgjithshëm të NATO-s, Mark Rutte, Donald Trump, tregoi diçka personale që menjëherë bëri bujë.

“Kthehem në shtëpi dhe i them Melanias: ‘Fola me Putinin, ishte fantastike’. Ajo thotë: ‘Vërtet? Ndërkohë, ata kanë bombarduar një qytet tjetër'”.

Sipas presidentit, kjo deklaratë e shtyu atë të reflektonte mbi sjelljen e udhëheqësit rus. Deklarata nxiti diskutime si në frontin politik ashtu edhe në media, me shumë media ndërkombëtare që theksuan ndikimin në rritje të zonjës së parë në vendimet e Trump. Kjo nuk është hera e parë që Melania i ka ndryshuar mendje burrit të saj; ajo e bëri këtë së fundmi në funeralin e Papa Françeskut.

Meme, ironi dhe dashuri "shpërthejnë" mediat ukrainas

Ajo që e goditi vërtet opinionin publik ndërkombëtar ishte reagimi i përdoruesve ukrainas. Brenda pak orësh, mediat sociale u përmbytën me meme që e portretizonin Melania Trump si një lloj agjenteje sekrete në një mision kundër Moskës.

Një nga imazhet më virale tregon zonjën e parë të veshur me një kapelë të madhe dhe një xhaketë me emblemën e tridentit ukrainas: ajo është “Agjentja Trumpenko”, një figurë diku midis heroikes dhe satirikes. Në një meme tjetër, Melania shfaqet pas burrit të saj ndërsa ai nënshkruan një dekret në Zyrën Ovale, të shoqëruar me mbishkrimin: “Motra Melania e Bene Gesserit”, një referencë për vëllazërinë politike dhe mistike në romanin Dune.

“Agjentja Trumpenko”! "Shpërthejnë" mediat

Melania Trump, e lindur në Slloveni dhe e rritur në ish-Jugosllavi, ka treguar vazhdimisht shqetësim të veçantë për vuajtjet e civilëve në konflikte. Që në vitin 2022, ajo i nxiti ndjekësit e saj të mbështesnin Kryqin e Kuq, duke e quajtur luftën në Ukrainë “zemërthyese dhe të tmerrshme”.

Disa vëzhgues besojnë se prejardhja e saj dhe njohja e realitetit të Evropës Lindore mund të kenë luajtur një rol të rëndësishëm në ndryshimin e fundit të qëndrimit të presidentit. Sky Neës dhe The Times gjithashtu theksojnë rolin empatik të zonjës së parë dhe ndjeshmërinë e saj ndaj jetimoreve dhe azileve të pleqve të prekura, faktorë që kanë forcuar pozicionin e saj brenda familjes presidenciale.

“Agjentja Trumpenko”! "Shpërthejnë" mediat

 

melania trump donald trump

Sondazh

Poll

MË SHUMË