Bota

Hetimet mbi shpalljen e gjendjes së jashtëzakonshme, ish-presidenti i Koresë së Jugut rikthehet në paraburgim

Sipas avokatit të pavarur që drejton hetimin, Gjykata e Qarkut Qendror të Seulit miratoi një urdhër për riarrestin e Yoon herët në mëngjes të enjten, për shkak të shqetësimeve për shkatërrimin e provave.

10 Korrik 2025, 08:14 Nga M.B
Hetimet mbi shpalljen e gjendjes së jashtëzakonshme,
Ish-Presidenti i Koresë së Jugut, Yoon Suk Yeol

KOREA E JUGUT- Ish-presidenti i Koresë së Jugut, Yoon Suk Yeol, është rikthyer në paraburgim për shkak të një hetimi të pavarur mbi shpalljen e gjendjes së jashtëzakonshme vitin e kaluar. Sipas avokatit të pavarur që drejton hetimin, Gjykata e Qarkut Qendror të Seulit miratoi një urdhër për riarrestin e Yoon herët në mëngjes të enjten, për shkak të shqetësimeve për shkatërrimin e provave.

Deklarata tronditëse e dhjetorit e Yoon e zhyti Korenë e Jugut në një krizë kushtetuese dhe u dënua gjerësisht si goditje në zemër të demokracisë së vendit. Ai ndryshoi qëndrim brenda gjashtë orësh, pasi ligjvënësit hynë me forcë në parlament dhe votuan unanimisht për ta bllokuar atë.

Yoon u arrestua në janar me akuzat për udhëheqjen e një kryengritjeje, duke u bërë presidenti i parë në historinë e Koresë së Jugut që arrestohet ndërsa ishte në detyrë. Ai u lirua në mars pasi gjykata e Seulit anuloi urdhër-arrestin e tij për arsye teknike.

Në prill, Gjykata Kushtetuese vendosi unanimisht ta shkarkonte Yoon nga detyra, duke i quajtur veprimet e tij një "tradhti të rëndë të besimit të popullit".

Që atëherë, ai është përballur me hetime të shumta penale. Sipas avokatit të pavarur, Yoon tani përballet me akuza që përfshijnë shpërdorim pushteti dhe pengim të detyrave zyrtare.

ish-presidenti i koresë së jugut yoon suk yeol

Sondazh

Poll

MË SHUMË