Sport

Legjenda Wayne Rooney lë profesionin e trajnerit, për t'u bërë komentator i BBC-së...

Ylli veteran, pasi dështoi në pothuajse të gjitha ekipet që mori përsipër si trajner, vendosi t'i... përkushtohej televizionit.

9 Korrik 2025, 14:00 Nga DOSJA

Legjenda Wayne Rooney lë profesionin e trajnerit, për t'u

ANGLI - Në kulmin e karrierës së tij si futbollist, ai fitoi shumë para. Dhe kjo ishte e vërtetë edhe në fund të karrierës së tij të shkëlqyer, kur vendosi të transferohej në anën tjetër të Atlantikut për në Uashington.

Megjithatë, duke u kthyer në Evropë për të veshur kostumin e trajnerit, Wayne Rooney nuk ia doli aq mirë, pasi u shkarkua nga shumica e ekipeve që i besuan udhëheqjen e tyre teknike.

Përpjekja e tij e fundit si trajner ishte te Plymouth, nga e cila u largua pas 7 muajsh, me ekipin, megjithatë, në vendin e fundit në Championship dhe përfundimisht ra nga kategoria.

Larg stolit për 6 muaj, Rooney nuk e kishte fshehur se do të ishte i interesuar në televizion dhe rrethanat ishin të favorshme për të, pasi ndryshimet që po ndodhnin në BBC dhe në emisionin Match Of the Day (ku ai u shfaq si i ftuar) i dhanë atij një pozicion komentatori të përhershëm.

Pas largimit të Gary Lineker, rrjeti britanik vendosi të rinovojë panelin e komentatorëve me Rooney-n që mori një kontratë me vlerë 800.000 paund (925.000 euro), në të njëjtën kohë që gruaja e tij Colin ka nënshkruar me Disney+ për një dokumentar familjar që do të regjistrojë jetën e përditshme të çiftit dhe katër fëmijëve të tyre (për 11.5 milionë euro).

B.T (Dosja.al)

Sondazh

Poll

Sport 9 Korrik 2025, 11:00

Enigmat e sotme të Xabi Alonsos…

SHBA - Kupa e Botës për Klube vazhdon ta paraqesë Xabi Alonson me një provë të përditshme. Trajneri spanjol ë...